曼谷 08 (Day 3)
完全明白weak7執相既苦處。。。
雖然我只係resize相。但要集合兩部相機。。
再狂重覆做同一連串動作 (用Photoshop)。都真係幾花時間。。。
所以大家記得去埋blog既相簿曼谷 – 2008年1月10-13日
睇其他相啊~ 呢日"3xx"有85張啊~~
2008 / 1 / 12 (第三天)
今日星期六。當然係要去"翟道翟"週末市場啦﹗﹗
weak7聽我講就講得多。佢係第一次去啦。所以好興奮呀~~
經過上幾次"執返條命"既經驗。我出發前要我倆做足準備﹗
求生用品包括 :
通鼻薄荷野兩支。毛巾幾條 (狂擦汗/索背瘠。。)
水一支 (一落車未入到去買前)。多帶兩件汗衣
千祈咪著牛仔褲 或 靚/新衫鞋﹐總之愈少布愈好﹗。蚊怕水
風扇仔 或 紙扇。紥起頭髮唔好化妝
消毒洗手用品/濕紙巾等。大量紙巾(去廁所無﹗)
最後。大量現金
好﹗出發﹗﹗﹗
梳洗好。。
出發啦~~~ 每日都在呢部Lift合照。因為好清~~
唱錢時見到有監視錄影。又玩一餐。。
今次無搭BTS。改搭MTR。原來新好多。又靚~~
出去嚕~~ yEAH yEAH yEAH!!
沿路已經好多地檔。。
入到去啦~ 今日唔算多人呀~ 又陰陰地。比以前黎舒服好多~~
又或者我次次都夏天黎。天氣差好遠﹗﹗
我諗好多人都黎過。係咪好懷念呢~
未來過既。真係要見識下。就係咁一個個密不透風既鐵倉。。
而家樓底好似高左。又光猛左。上次黎又暗又焅。。
weak7最愛 — 拉茶。臨走想揾返。但太遠。放棄。。
我扭買呢D公仔髮夾。老公唔比﹗﹗話我唔會用 >___<"
食飯喇~ 竟然入左檔日本野。因為有好大把風扇﹗ 正﹗﹗
老公終於買野。試褲。。
呢個Map一定要攞。超有用。因為我地發現由尾行起。蝕晒~~
我一路都覺得有d怪。以前都唔係咁行既。不過老公又話唔好刻意揾。。
就係買呢件TEE比揚揚。買細左。。
攪到我地Day 4 翻兜。都好既。因為今日未行晒~~
又拉~~~
估唔到由朝行到天黑。。
買左一個盒盒比媽咪~
返屋企沖涼喇。本來話去按摩。不過行得太夜又未食飯。。
決定聽日出機場前先去﹗﹗
沖完涼。換埋衫。出去Siam覓食啦。。
Siam Paragon。。
好靚既杯吊燈。。
原本食呢間Manna。Thai Food。點知去到就快關門。。
行左出街揾食。呢間Shaley幾吸引。都係Thai野。。
心形蝦炒飯啦~~
食完飯仲有好多夜檔。又沿路行左一陣。。
返到Asok站時。竟然見到大象~~
老公好開心咁追住佢。佢就停低飲水水。。
好累的一天啦~ 返屋企啦終於~~~
我地返屋企時。就用呢盞頭燈照明啦~~~
否則踢拖既話。好易兜埋隻蟑螂返屋企架﹗﹗﹗
都係果句。你地"明"架啦~~~
好野 又有得睇泰國行之分享
講食 講玩 幾時都咁令人振奮
係呢 隻象點解係條街行下行下既
[版主回覆02/23/2008 04:42:00]係呀。我寫返都興奮呀﹗﹗ 隻象超大呀。唔知點解咁夜仲出去行街呢~ 成12點架喇~~ 哈~~ 可能隻象要去夜場表演喇~~
我果年去翟道翟都好醒,平時o既我係一定唔會著拖鞋出街 …. 但係知道果度一定會好熱,所以都係著左 ~~ 不過,唔知點解,行完發覺 ….. 隻腳好黑,仲要行左半日就已經要洗腳 ….
[版主回覆02/23/2008 04:44:00]係呀。行完好似"更"完田咁架﹗﹗ 哈哈~~ 就算知污糟。我都係著拖鞋。。 一諗到要焗住隻腳成日。都係放棄~~
D鞋好得意啊?大概幾多錢一對啊?
[版主回覆02/23/2008 04:45:00]睇住d人即場油架~~ 好好手工。。 大約百零蚊港子左右~~
我同你地好似, 出親去玩都帶兩部機, 佢帶大, 我帶細機呢….狂影!!!!!!!
[版主回覆02/23/2008 04:47:00]係呀。如果我唔帶。就影唔到佢架喇。。 通常佢部機多我既相。我部就多佢既。。 自拍就兩部都有囉~~
好正呀!!!!!!!!! 你真係冇make up wo 仲係咁靚 好多正野呀 我諗我會stay 番7日先走! 要留番d 時間做spa 呀 我而家resize 相用小畫家,因為快d
[版主回覆02/23/2008 04:51:00]哦。。係呀。。 基本上我平時好少化妝。如果有印就用遮瑕點一點咁啦~ 係呀。留耐d都好既。日日做按摩超正呀~~~ 用小畫家都好。不過有時太暗想執下色。PS就方便d。。
又拉~~~
好鍾意妳依句又拉………..我俾番一句又影, 妳~~~~~
你倆總俾人覺得…相處好開心, 好快樂, 好螎合 !!!
究竟, 有冇試過嘈交, 炒大鑊呢 ?
[版主回覆02/23/2008 04:54:00]我發覺你呢個衰妹妹鐘意問拖友有無嘈交。 大唔大脾氣。XYZ@#%&nk等等。。 好啦。。等我講過你知。。 不過開個TOPIC講先~ 等大家都討論下。 一次過滿足晒你既慾望﹗﹗﹗
盞杯吊燈好靚呀!
大象通街走?好嚇人啫!
[版主回覆02/23/2008 04:57:00]係呀。其實都幾好彩最後一晚見到。。 都無諗過會見到。所以WEAK7好開心呀﹗﹗﹗ 哈~~ 係呀。有好多裝飾都幾靚架。 們次發現。曼谷既青年設計好有獨待色彩。。 比起香港。好似比較原創同不受限制。好值得睇~~
我未去過Thailand﹐想問點解要帶定一支通鼻野???
[版主回覆02/23/2008 14:20:00]因為入面勁焗。如果唔帶家黎索。真係好易暈低~~~ 基本上呢支野係泰人必備。出街周不時見到人揸住。。
我下個月都去泰國呀~不過去蘇梅島,見到你d相真係想快d去.
[版主回覆02/23/2008 14:21:00]係呀。祝你開得開心啦~ 影多d相返黎呀﹗﹗﹗ 哈~~~
我都係好多年前去過一次泰國咋, 好多嘢都無乜印象lu, 而家個身邊人唔熟水所以唔係咁鍾意去泰國, 不過去行下、玩下都ok吖 ( 係呢, 好似唔多見你地啲出慾照既 無游水咩 )
你去果個"翟道翟"市場, 我都好似去過但係喺夜媽媽去同埋果陣條街好似係無蓋架喎 (係咪我搞錯咗呢)
weak7 禁止得你岩呀~果啲公仔髮夾你都唔會用架啦, 除非你送比小朋友啦, 唔用就唔好嘥錢嘛!!
而家香港好潮濕, 見到你兩個踢哂拖又著哂短衫短褲好清涼呀
[版主回覆02/23/2008 14:24:00]哦。。我地無去過沙灘呀。。所以無泳照啦。。 無用?? 我而家說好需要一個髮夾喇。。 d陰dum左落黎阻住我視線。。