情人節前夕 2。13
其實事大家都無咩計劃情人節要點過。因為之前果兩年都無咩慶祝。。
拍拖都無。結左婚又點會有咩期望呢~ 哈~~~
不過原來相反。我地今年竟然第一次慶祝情人節。。
其實件事係咁既。13 &14號有個Textile Trade Show。在拉斯維加斯。。
咁學校就好鼓勵我地去見識下。我就諗住同同學仔去啦~
13號走。就14號晚返。。 (拿拿拿。一直無預個老公架~~)
同weak7講啦。點知佢竟然話 " 情人節喎﹗不如我同你去。當慶祝埋啦~"
~佢自己快手快腳請左13號&14號 兩日假~
咁都係一個好提議。訂野啦。去啦去啦。。
點知個死佬一日拖一日。機票酒店愈來愈貴。。
本身三百幾。變左四百幾。。我實在難掩我既怒火 (佢成日都係咁﹗)。。
我就話 "唔去喇。邊度都唔去喇。留在屋企啦﹗﹗﹗"
之後。佢就話不如揾另外D無咁貴既地方玩。(補飛吧﹗﹗)
最後揾揾埋埋D資料。我地就決定去浸Mud Bath嘆下~
又諗諗下。既然去得Napa渣得兩個鐘車。不如上埋去滑雪吧~~
好啦。就照計劃。分兩日進行~~~ 出發~~~
出發﹗去玩兩日一夜
過金門橋。我地第一次一齊過呢條橋啊~
到達目的地。Golden Haven Hot Springs
weak7坐得幾乖~
呢個就係我地會做既療程喇。其實影出黎靚好多。。
入到去泥浴既地方。我地兩個都覺得。好似D地下屠場。恐佈﹗
不過又幾過癮。好熱。會浮架個人。。
weak7猛浸落去。最後辣親﹗ 抵死﹗
沿路景色。好草原feel。好靚。
因為我地去Napa呢個地方係盛產葡萄酒既。四圍都係種葡萄既農地。。
我地一路渣車。一路揾地方行。揾野食。漫無目的咁去。都幾爽﹗﹗
沿途見到有個Outlet。又入去行下。。
呢個係我既情人節禮物呀﹗ 係我自己選架﹗﹗
老公一開始已事先張揚無時間整野比我。去玩就當慶祝了。。
不過我之前睇中呢個銀包。入到呢度竟然又有。。
老公就買比我當做禮物啦~~ 哈哈~~
(我個樣多麼的不爽~
)
入夜。要揾酒店渡宿一宵。。
揾左幾間。都係去返Holiday Inn。老公勁怕住Motel。。
好彩。職員最後offer我地$119 + tax (本身139)。平20蚊。好過無。。
我送比weak7既情人節禮物。。
又係底褲。哈哈。。自己買都唔夠。迫埋老公著﹗﹗
其實仲有另一份。就係我自己車比佢既sweat pants。。
不過發現太短了。哈哈。。(個牌綉左2。14。08 架﹗
)
我地13號既既晚餐。一盒兩份。哈~~
好鍾意你個情人節, 可以漫無目的咁去, 好開心, d景好靚weak 7肯定勁影啦~~~
果D係咪海底泥??? 想試下
[版主回覆02/16/2008 12:56:00]係呀。好像唔使睇住時間咁。攰又停低食下野啦~ 佢都影好多相呀。。哈~~~ 其實佢地話果d係礦物泥。對skin好。不過偶然一次。 無咩作用啦~~ 哈~~~
I like this pix the most… Compared with life in LA, we rarely have chances to get close to suburban. Most ppl in LA like to go shopping, partying, or dining during weekend and hoildays. I think you and weak 7's two-day getaway is really wonderful~~~
[版主回覆02/16/2008 14:36:00]講得岩。其實呢邊D人都係咁。不過。。 我兩公婆都唔鐘意夜生活~ 所以情願出去呼吸下~ LA.其實好好啦。依我地覺得。LA既年青人比較有錢。 有得錢既。一定係四圍蒲架啦。。哈哈。。 我地之前去LA既相啦~ http://www.fotop.net/seven7/seven7170
哈~~ 底褲怪呀~~ 嗰 2 條底底好 colorful 喎~~~
[版主回覆02/17/2008 05:45:00]係呀。粉紅果條有"青瓜"架﹗﹗ 哈哈~~
羡慕死人啦 ….又去渡假過情人節又有禮物收
真係幸福喔!!!! 唔知幾時輪到我呢
[版主回覆02/20/2008 04:10:00]哈哈~~ 都好開心呀~~ 嫁得比佢。唔幸福就大鑊啦~~ 哈~~~
嘩!親手車條sweat pants, 仲要綉埋2.14.08咁sweet!
[版主回覆02/20/2008 04:13:00]係呀。之前整比佢既銀包。住面都刻左 2。14。07 架﹗﹗ 整完野梗係要攞credit啦。博佢感動。日後錫我多d丫嘛~
真係正~感覺好free呀
d view又靚…..very good ar
我都想有一個咁sweet 既情人節呀
[版主回覆02/20/2008 04:14:00]情人節揾d野攪下紀念下都好既。。 初頭都無咩plan架。係臨尾果兩日先諗~~ 哈~~~
o係路"鬼" o個張好有feel, i like it 。原來你地去左玩, 唔怪之, 兩三日都唔見你update 個Blog。日日都有追你個Blog
[版主回覆02/20/2008 04:15:00]係呀。我都鐘意路軌果張。好似自然d。。幾有feel.. 日日追。好大壓力呀~ 哈~~ 多謝支持先﹗﹗
我都話妳一定有個好 sweet 既情人節架啦 !!!
[版主回覆02/20/2008 04:15:00]都係你叻~ 錫晒你~~
<<四萬伉儷嘆世界>>
咖喱 weak7 你地咁叻既 嘆緊都可以影張相比我地睇 嘻!
[版主回覆02/20/2008 04:16:00]係呀。好彩影前兩秒發現自己露點。即時浸落d 呀﹗ 如果唔係就要打格仔架喇﹗﹗ 哈~~~~~
點解可以影到既?!
[版主回覆02/26/2008 04:52:00]有個人服侍我地架。幫我地換毛巾呀咁。。 所以係叫佢幫我地影既~~