大風吹~
琴日本身唔使返學。好開心啦。又連放4日啦~~
(我星期五無堂)
點知老師要我地返去聽個講座。要寫篇Reflection星期一交。。
勁大風勁凍。仲落雨添呀﹗﹗
好彩係下午開始。影唔到鼻孔出煙啦。影住大風吹先啦~~
(我星期五無堂)
點知老師要我地返去聽個講座。要寫篇Reflection星期一交。。
勁大風勁凍。仲落雨添呀﹗﹗
好彩係下午開始。影唔到鼻孔出煙啦。影住大風吹先啦~~
阿Ca (港友) 話我地D相成日擺晒POSE。。
叫我影多D生活照比佢睇。好啦好啦。以後影多D啦。。
一出門口諗住影返張。點知吹到呢~~
唔係我手震呀。好似有人在後面推我一野咁呀﹗﹗
我住27街。要行去19街搭車返學啦~~
呢條就係返學路~~
細風啦。快快手自拍一張~~ 你地FEEL唔FEEL到幾大風幾凍??
巴士站。等又再等。為你等又再等。。
到啦。28號。返學校~
返到去Jack adams Hall 等開始。好暖呀入面~~
Professor Connie 講緊野。佢勁好人呀。我結婚佢寫左張卡比我地~
Dancer在跳藝術舞。係十分藝術果隻。好鬼深奧﹗﹗
之後有個短短既環保Fahion Show。。
唔夠半個鐘。走得﹗搭返28走。再轉 N Car (類似輕鐵) 去做Facial。。
其實無約。不過無拎鎖匙。迫住等到4點老公接啦。。
間野在32街。原本31街要落車。。
矇盛盛搭到34街先落。要走回頭兩條街。。
(行到一半33街了。落緊雨啦~~)
岩岩在露台影出街。有點陽光啦終於。
不過一樣咁凍~ 呢個就我屋企望去對面街景啦~~
同場: 在香港買左好多野預備自己生BB啦。好白痴啦~~
不過對BB衫有點愛不釋手啦~~
仲買左兩套餵奶睡衣。阿瑩送既口水肩同Boots仔。未得閒摷~
還有好多我們家的最新動態在FB專頁上唷!歡迎點Like加入大家庭! »
真係好大風喎~~~ 你咁快預備定嗱~~ 咁要加油喇~~~
[版主回覆02/02/2008 02:48:00]係呀。我要生BB啊~~~ 希望快點有啦~~ 哈哈~~
你個邊既環境……好正呀…….好舒服呀….個感覺…….好寧靜咁呀….
[版主回覆02/02/2008 02:50:00]一個字 "悶"~~~ 不過你既講法就安慰D。。哈哈~~~
haha~你今日0既日記真係好正好生活化呀~
好似睇住0的相跟住你返學咁 ,
咁平時你除0左返學仲有咩做呀?
[版主回覆02/02/2008 13:16:00]除左返學做功課。就會留在家照顧老公啦。。 其實無咩做。想生仔啦。所以揾工又唔係。 唔揾又未知幾時大肚果隻囉~ 哈哈~~~ 不過今個sem得兩堂。抖抖都好既~~ 哈~~~
呢幾日我們這裡都好大風大雨呀!
[版主回覆02/02/2008 13:18:00]我知呀。岩岩有個朋友話中午都係6﹐7度咋~~
我都係呀,好鬼鍾意d BB 衫 …. 好 cute …. 希望你快d生返個肥肥白白啦 !!!
真係好大風呢,你好似著左好多件外套咁喎 ~~
[版主回覆02/02/2008 13:25:00]係呀。希望下個月有啦~ (老公你聽到未呀﹗﹗) 係呀。大風吹。頭都暈呀﹗﹗
睇你既裝束都知有幾凍啦 (著到成隻糉咁)
我真係要寫個 "服" 字比你呀, 想生bb 都唔使咁心急買定啲bb用品架
不過我都好明白你既, 見到靚又忍唔住手買 (唯有安慰講句: 遲早都要買, 唉!!! 早啲買同遲啲都係要買架啦 )
[版主回覆02/02/2008 13:27:00]買得少啦。好彩唔係住香港。買窮~ 唔知呀。阿嫂都有喜了。點都用得著啦~~ 哈~~
呢bb仔衫係邊到買嫁?? hahhaha 真係好cute呀!你諗住生幾多個呀?? 咁早生bb咪迫住之後冇得出去玩
[版主回覆02/02/2008 13:32:00]香港買架。商場啦。Uniqlo啦。好得意呀~~ 生住一個先啦。好多人話而家唔想到時又想架~ 我地都無出去玩既。但去唔到travel就真~~
好啊好啊!!早啲生好啲!!如果可以的話, 我都想生!!不過都仲未係時候。
我們將來計劃生兩個, 你們呢??
[版主回覆02/02/2008 13:34:00]一個先啦。好難攪架~ 哈哈~~ 同埋要好有耐性。不過好似話生開有引架噃~~ 哈哈~~
d屋 間間顏色都唔同..
唔驚入錯屋真係..
[版主回覆02/03/2008 00:43:00]無錯。衰在我地果間同隔離間差不多。 d朋友黎成日都話認錯隨離。哈哈~~ 我自己夜晚返黎都好難分辨。。
好靚呀!D 樓唔高真係好開揚呀! 我住47樓都完全無得比… 我好想O係外國住呀!
[版主回覆02/03/2008 12:42:00]唔好啦。黎玩下好喇。唔好長住呀。好悶架~~