~註冊日花絮~ 1
由於之前太想快點同大家分享我地註冊既歡樂。
所以盡量放左每個有黎既朋友既相先。。
所以盡量放左每個有黎既朋友既相先。。
其實仲有好多 趣怪相 & 時刻 想同大家分享啦﹗﹗
唔講太多。邊睇邊講啦~~
原本7點起身。但賴床至7點半。即刻笠裙化妝。
本身阿Cat黎幫我化妝整頭。但我怕一個等一個會誤左時間。故一手包辦。
差不多化好妝了。老公揾我自拍~
攪掂個頭。其實個髻十分肉酸啦。我覺得~
Raymond & Jacky上來了。。
"佢幫緊明仔打呔"
奶奶。你會唔會呀?? 著住屋企拖鞋出門??????
我地將會交換既介指。仲要係老爺迫我地攞。
其實我地無打算交換啦。因為未買。
呢對?? 係我地既訂情信物啦~~ 哈哈~~ 都幾有意思丫﹗
泊好車。心情興奮~~
四人行。好似好有型啦~~ (Raymond C C縮縮。好似想偷我地野﹗
)
weak7個襟花甩左成朝﹗﹗ 大家幫手數下幾多個人幫佢整過﹗ 哈哈~
我整﹗﹗
Raymond又整﹗﹗
偷閒拍拍照~ 靚景啦~~
排隊Check-In。我又整﹗﹗
開始攪文件了。。
老公你望咩望到要擘大口??
到佢填表。。
老爺又整﹗﹗ (Jacky你咁遠都V到﹗ 好勁啊~~~
)
等叫名。weak7忍唔住玩相機了。手痕吧﹗﹗
我又8下~~
阿Sun來了。你個Look好得啫~~~
待續
還有好多我們家的最新動態在FB專頁上唷!歡迎點Like加入大家庭! »
第一張相好似訓唔醒咁呀!!哈哈
等個陣係唔係好緊張呢€???
攪左幾耐呀~?~??
你應該set行d個頭呀…咁樣會好似勁d呀!!!
[版主回覆12/19/2007 16:40:00]係呀。直情發夢。 基本上果日全日夢中見。面家諗唔起做過咩。。 可能所有野都好趕。。哈~
你地等果陣好似好緊張咁喎!! 交換介指果陣又係咪心跳加速咁呢??!!
你條裙好靚呀 ~~
[版主回覆12/19/2007 16:42:00]等果陣唔太緊張。其實一入到房先緊張起來。。 多謝呀。我都好鐘意條裙啦~ 上身好似婚紗款。下身是短裙。岩晒我。我矮啦~~
老公你望咩望到要擘大口?? —–weak7佢個樣好似諗緊"吓!呢張就係我嘅賣身契啦!所以O哂咀呢!
自己一手包辦化妝set頭好叻女啦! 最緊要你果日係女主角, 充滿自信自然就明艷照人啦!
[版主回覆12/19/2007 16:45:00]係呀。其實我懶啦。應該一早試下妝同試自己SET一頭。 但我太有信心了。。 一拎起手就用左金色眼影啦。。 好彩都幾好啦算。。 個頭? 唉。其實一直整唔到架。 我開始忟啦。又話要落SALON 整。嚇到weak7死。(己很趕) 之後放棄。決定就咁郁一郁。又攪掂~ 幾好就算啦~~
你張梳妝台都幾亂下喎~~~
[版主回覆12/19/2007 18:31:00]我諗除左我個人唔亂之外。成間房都好亂呀﹗﹗ 夠膽去睇睇。嚇死你~~ 邊個夠我亂﹗﹗﹗
犀利啦你…一手包辨仲從容不迫, 佩服
間房任何一角亂到咁你都可以搵到你要既嘢
勁呀
你仲有心情玩同影相就知你唔緊張啦, 扮嘢!!
[版主回覆12/20/2007 05:10:00]可能我倆本身不是高要求的人啦。唔難睇就ok啦~~ 所以唔緊張囉~~
咖喱"我諗除左 我個人唔亂之外 。成間房都好亂呀﹗﹗"
你真係好可愛架姐 字字精景 笑死我囉~
開心真係可以好簡單 呵呵~
[版主回覆12/20/2007 05:12:00]哈哈。都係講事實啫~~ 如果連我自己都亂埋就真係"世界大亂"啦~~ 你果句"亂世佳人"都唔差丫~
結婚大日子…唔係應該緊張到瞓唔著既咩?
仲可以賴床咁好野…………..
[版主回覆12/20/2007 05:12:00]講得岩。就係前一晚訓唔著。第二朝就賴啦~~ 哈哈~~
嘩, 你好勁, 個妝自己化, 都好清好靚! 好啱你啊 個髻都幾實啊, 加埋個閃閃頭gu就靚哂嗱 ! 簡單美麗!
[版主回覆12/20/2007 15:10:00]多謝呀~~ 係呀。一手一腳。。 都係普普通論既妝啦。。 我D朋友話未見過我化full make-up啦。。 因為我平時都係丫丫烏啦~~ 個頭ku係阿cat借比我架~ 佢原本前一日比我。又唔記得。 所以我係出門無ku架。佢黎到就ku返。 同埋佢地幫我ku到好後呀﹗﹗
自己一手攪惦,都好靚呀,你好叻呀!!
[版主回覆05/06/2008 03:32:00]漏左覆你。岩 岩先見到~~ 哈哈~~ 係呀。一手一腳。我要求不高嘛~~~
妳好勁 ! 結婚自己化妝 !!
[版主回覆05/06/2008 03:32:00]係呀。都係一般化少少妝啦。 好驚比人化太濃。唔似自己~~~