邊個夠我亂﹗﹗﹗
大家定D黎﹗﹗﹗﹗ 我屋企絕對唔係比人爆格﹗﹗﹗﹗
其實呢個情況好多時都會係我屋企發生。。
而我既朋友們亦都見怪不怪。。
其實我個人對屋企既執拾 (家務) 係非常之抗拒。。
你要我整衫 連續一個禮拜由朝整到晚。無問題~
要我返工開OT 日日返足12個鐘。無問題~
就算以前返學再返幾份Part-time 返足7日。都無問題~
唯獨是做家務。Sorry。我幫你唔到~
由細到大有媽咪傍住。從來"家務"二字與本人無關。。
即使前幾年返左香港做左兩年野。。一個人住。。
飯。出街食 衫。樓下磅洗摺埋 打掃。衰到揾"2317好助理4567幫到你"
就連開水都未煮過。樓下兩個半一大支維他啦~
由於我知道自己咁樣係好難頂~ 拍拖同居 分分鐘為呢樣野嘈。。
所以同weak7拍拖之前﹐我已經講到明 :
"我真係唔會做家務﹐係少少都唔會﹐你OK先好一齊?﹗"
話明未開始﹐個傻佬當時 當然爽快答應架啦~ 哈哈哈~~~
但佢世估唔到﹐我會係呢個境界﹗﹗﹗﹗﹗﹗﹗﹗
(係咪好似比人揾左笨咁呢?)
媽咪經常話 : 你去左人地度就要執拾下~ 唔同自己屋企架喇~ (係你縱到我咁架 )
幸運地。我未來老爺奶奶 同心協力 接手咖喱媽重任 真係感激不盡﹗﹗
屋企既家頭細務無我份。不過間房點都係自己執先知手尾。。
大家千其唔好以為weak7有份做家務噃﹗﹗
老爺奶奶同我媽咪一樣。原因只有一個﹗﹗﹗
就係佢地既仔女﹐都係一樣咁懶﹗﹗﹗﹗﹗﹗﹗﹗
我地兩個懶人一齊住﹐真係鬥耐力﹐睇下邊個頂唔順﹐就邊個出手啦~~
話時話阿weak7都算勁忍得。攪成咁先開句聲 :
"不如聽日執下間房﹐唔使執咁靚﹐執通一條路行下得架喇~"
果然醒目﹐趁我放Thanksgiving第一日就開聲﹐呢十日一定走唔甩啦~
好﹗ 我琴日就執左佢啦﹗﹗
你應承照顧我一生一世。我都應承以後 執條路過你行﹗﹗
BEFORE AFTER
至於電腦台個邊。過兩日啦。好攰啦我~~~
目不暇給…
[版主回覆11/20/2007 03:45:00]我忍多一排都仲得~
哇!!!!!! 妳實在有夠過份啦!!!!! 呢個世界上竟然仲有我細妹嘅同類!!! 仲要係高級組啦!!!!!!!
妳老公好慘……………要求妳比條 " 生路 " 佢行……………….
真係好想影我間房比妳睇啦!!! 我間房好整齊架!!! 亂極有限~~~ 我最憎亂同污穢!!!!!!! 我連懷孕9個月, 腹大便便都扒係地度抺餐桌腳.
[版主回覆11/20/2007 03:48:00]仲好講﹗ 大住肚成日做埋D高危動作﹗﹗﹗ 我改緊架喇~~ 你細妹幾時升級?? 使唔使我補補佢?? 哈哈。。
我話比你知.. 我屋企.. 真係淨係得條路行.. 哇哈哈哈哈哈..
所有家務都係老公搞掂.. 洗衫去到冇得著先去洗..
吸塵拖地.. 頂唔順先去搞.. (通常係老公頂唔順先. 然後佢做, 然後我睇唔過眼, 最後.. 我執手尾)
哇哈哈哈哈哈..
[版主回覆11/22/2007 10:11:00]似乎同黨大有人在﹗﹗ 個心實在舒服晒~~
勁!!!
呢個世界竟然有人可以同我同grade!!
[版主回覆11/22/2007 10:09:00]難得"知心者"~~ 飲勝﹗﹗﹗﹗
我細妹自從嫁咗, 我阿媽就即刻幫佢請工人!! 如果唔係佢個仔要訓係垃圾堆啦!!!!!!!!!!!!!!
[版主回覆11/23/2007 05:12:00]哦~ 原來嫁左啦仲有小朋友添~ 嫁左就幾亂都唔怕啦~ 哈哈哈~
嘩..真係好亂呀..我都已經覺得我間房夠亂呀.你仲亂過我呀..哈哈…我係有心情先執嫁…又會執執下做左其他野..又唔執住…又堆埋一堆呀…到依家….不過我細妹落左命令…聖誕節前要執晒呀!
[版主回覆11/23/2007 18:33:00]電腦台個位。如今"風采依然"。。
yeah..同我有得fight呀..哈哈!但你都要執執喇..
嘆為觀止~~~ 甘拜下風……
[版主回覆12/18/2007 12:14:00]無咩事既。一家人最緊要開開心心。 唔好為呢D"小事" 話我~~ 哈哈哈~~~
嘩!!嚇死我呀~~咖喱七, 真係好亂喎~~難得老公仔又忍得~~~
俾我係你奶奶實要諗諗俾唔俾你入門, 好彩你個樣生得靚咋!!
第日阿B出世唔得咁架~~哈哈
[版主回覆05/20/2008 12:52:00]哈~~ 我今日沖緊涼。都一路諗。。 如果你係我奶奶。一定頂唔順我咁亂。 因為我見你個仔都唔係好亂啫。你都咁大反應~~~
我會叫呢d做" 亂中有序 " , 遺傳既…叫何生睇開d…我屋企情況更惡劣~~~hahahahahaha…
[版主回覆06/05/2008 12:36:00]哈哈~~ 有人陪。我壯晒膽~~