Kyle仔 2歲生日會~

又Happy Monday~ 要寫卜喇。幫大家打打氣嘛~﹗﹗
如果你睇返上篇卜。就會發現有人吹晒水。話”聽日”會出新卜喎~
原來成個禮拜喇~ 哈~~~
不過唔可以怪晒佢。因為新卜好難用。。
佢UPLOAD相時有時無。又攪一輪。。
我打字又時大隻時細隻。真係好鬼煩~~
好掛住舊卜呀~﹗﹗ 嗚~ 寫得幾爽~~~點都好啦~ 希望慢慢會改善。大家會習慣~~好喇。講返10月30日。星期日
係朋友仔 Kyle 2歲生日呀~
本身係一齊攪的。因為呔仔係11月2號。但Kyle媽話請得多親友。怕唔識好難一齊攪。所以我地上個weekend就攪左先~佢地book左Playroom既一間房。大人食野。小朋友就可以響外面玩~ 正呀~~
之前帶過佢2個黎。呔仔全程玩火車臺。細細就岩岩識行。唔係咁岩玩~今次勁喇﹗2個玩到喪晒~ 真係好開心呀~ 哈~~火車臺都係呔仔愛好之一﹗
教細細玩。好溫馨呀﹗﹗媽媽好鐘意細細呀~ 嘻~~
我成日叫佢做”肥面包”。好想咬~~~Kyle媽 & 2歲Kyle仔~我承認。好多時候我地係爛玩過對仔既~ 哈~~所以細細咁喪。我唔覺得出奇~ 預左~ 呔仔都自動波。鐘意去邊就走邊~呢個場都幾多野玩~跳水兄弟~好靚呀個蛋糕。下次訂呢間先~ 又好味~~呔仔細細。豬仔。琳琳傻豬吹到就黎燒眼眉~~好想食~ 呵~~~好得意呀啜果汁~ (係。媽媽覺得d 仔做咩都咁得意的 )樓上有瘋狂拍波室~
呔仔又變返BB樣 做咩呔仔”踩板”咁既姿勢~?? 豬爸壽星仔開心開心~一班四圍走既小朋友~呢隻細細。竟然響度阻住人地上落。個樣衰到 @@你影佢影我。。好喪呀呢班人~﹗﹗﹗愛波細細~
傻妹企定等波飛黎~ 哈~~追波呔~個個細路都好開心~大人就…其實個個都爛玩過D小朋友~ 哈~~~太喪。嚇到D細路揾人攬。點知。攬左個攪事份子~ 哈~
嘿嘿~ 埋錯岸了~~女仔唔好以為好文靜。呢個玩起上黎。都係喪的~1點玩到4點。半拉半扯收隊~ 哈~~
豬豬請雪糕。我地又hea陣~~唔執輸~ (所以而家咳緊@@)晚上。買野返屋企打方爐。唔使睇仔。真係好爽~~佢地帶佢地。閘住響廳玩
。。
舊金山5癲﹗﹗食完仲煲碟 “富貴黃金屋”~
嘆到呢~~戰場? OK啦~ 其實日日都係咁~ 唔係我條腰瘦得咁快咩~?﹗ 

作者：呔媽.Kelly

全職媽咪，視"呔細快樂成長"為己任！Brandsss@Facebook名牌手袋店Buyer。秘撈shemom. com客席寫作人。此少婦長期渴睡，幻想一天有48小時~

| Facebook | 個人介紹