回到1月15日。花仔呔
Jacky太太係香港人。雖然我地都係 不過Jasmine係嫁過黎定居既~
佢地一早揾左呔仔做花仔(Ring Bear)。。
行禮之前有彩排過。呔仔表現唔錯~
哈~ 果日咁多人望住佢。呔仔都算幾淡定。不過就要媽媽拖住行。。
同埋唔肯捧住介戒。淨係肯渣住爸爸新買既Spencer火車。。
第一次做花仔。算好好架喇~
果朝weak7幫手影下花絮。同埋去酒店接新娘~
爸爸既怪辟。老西襯公仔tee。。
自己結婚係咁。人地結婚又係咁。。
晚上婚宴既wedding favor。小盆栽。好有心思呢~
花車上一對公仔。到埗後裙拉褲甩。。
伴郎阿Bee & weak7
新郎哥幾神氣~﹗
無聊照。。
風騷何四萬。。
新郎新娘~~
2點去教堂行禮。12點weak7返黎接我地~
呔仔細細一早換好衫等爸爸~
努力谷肥細細。終見圓面雙下巴。。
(不過之前病又瘦左少少。又要努力了~)
第一次著裇衫仔。好醒目呀~
哥哥就著"踢死兔"。幾威威~~
記得果日幫呔仔換好衫。我係諗。廿幾年後呔仔就係咁樣著。娶老婆。。
突然之間好唔捨得佢大得咁快
小小何四萬。。
練功?? 呔仔都要好好修行。。
知道做花仔。心情興奮。。
開心花仔呔
細細心情大好。。
細細真係咩都笑一餐。遺傳左媽媽"大笑姑婆"性格
哥哥就外表傻更更。爸爸媽媽勁錫佢~
大口維幫我夾左頭。少少鬈。又花左少少妝。行得~
爸爸買左架新火車引呔仔。。
呔仔掛住玩。完全唔肯望鏡頭。。
好難先引到佢~
呔仔望前。嫲嫲在後
就快出場。其實佢都唔知咩事。哈~
新娘子出場後。就到花仔花女行啦~~
出場前。呔仔仲狂奔緊。。
子韻姐姐做花女。。
出場啦~
呔仔竟然唔肯行。仲扯我返轉頭。新火車都引唔到佢~
我幾驚~~~~
好彩Samantha EE即刻比左粒啫哩。攪掂左佢。正一為食仔~﹗
但就唔肯渣住戒指籃。要我渣。陪佢行。。
花仔呔仲一邊行一邊四圍望人。好在無再行返轉頭。。
成功完成任務~ 叻叻~﹗﹗
(第一次綵排佢自己渣住戒指籃行架。可能怯場。哈~~)
觀禮~~~
呔仔就要求食啫哩~~
坐坐下又無耐性。要出去行。。
我都係第一次去教堂觀禮。。
細細都出埋去玩。。
子韻爸媽。。
(細細扭落地 )
有樓梯唔想比佢行。輪住抱。手軟。。
唔該晒Sam幫手湊仔~ 嘻~~~
場地佈置得好靚。DIY好有心思呀~
攪事份子。。
Wishing Tree
\
咩都攪一餐。。
頂左成個朝早+下午。兩隻野一上到車即刻大覺訓。。
訓到我地食完野都未醒~ 爽~~~
晚宴再續~~~
花仔呔好得呀!!!!
HELLO 勁愛花仔呔呀!
見有BLOG友提到..咁我又搭下嗲…因為我都想講好耐..其實我都覺得你地錫呔仔多D,特別係WEAK7…
(SORRY啊,希望你地吾好介意我咁講啦)
[版主回覆02/19/2011 05:29:00]唔會啦。不過細細成日痴住我就真。人奶B係好痴媽媽架。 但爸爸都成日同細細玩。哥哥見細細笑。又埋黎趁墟。 所以都無分大細。只係你地見唔到啫~
KELLY好靚女呀~~~哈哈 我諗 無話錫邊個多D既~2個都一樣咁錫JA!~ 不過要顧及呔仔感受多D..因為佢開始懂事..好容易會呷醋… 反而細細仲細…都未知發生咩事…哈哈
[版主回覆02/19/2011 05:27:00]真係一樣的。兩個都好可愛。。 無架。細細都識野架。所以都要得到平等待遇
呔媽,妳條頸巾咁似妳註冊當日蔕嗰條嘅?
[版主回覆02/19/2011 05:26:00]正是~ 呵~~~
做乜事我覺得細細得兩隻牙個樣好似 "海察"
" 記得果日幫呔仔換好衫。我係諗。廿幾年後呔仔就係咁樣著。娶老婆。。 突然之間好唔捨得佢大得咁快" 希望我地呢大班blog友,都有幸見證到 呔仔 娶老婆…細細做伴郎…kelly & weak7 做老爺奶奶嘅盛況啦!! 呔 呔好叻!咁多人望住都唔驚! 順利完成任務! 叻叻 呔!
希望KELLY你唔好介意我咁講啦……
[版主回覆02/19/2011 16:22:00]唔會啦。一開始時都覺得會錫呔仔多點。始終對得耐先入為主。但之後發覺唔係啦。因為細細太得意。又笑成日笑~ 同埋小朋友好天真。佢地唔會因為我地同緊是但一個玩就唔鐘意。覺得比人冷落。反而會衝過黎一齊玩~ 可能我地又做得唔錯。好公平。所以兩個都咁開心~
嘻嘻~日日追你地個BLOG 今日終於的起心肝係到留個言啦!! 因為呔仔實在係太型仔啦!!哈哈!!!! 呔媽你都好靚~好FIT呀~
花仔呔果身打扮..好靚仔呀
細細..依然都係咁開心..笑笑笑~good