過年前。去公園(上)
大年初五。恭喜發財。身體健康~~
我地都好健康呀。。
病足兩個禮拜。今日終於好返7788。。
細細同呔仔都仲有少少鼻水。間唔中先咳兩聲。。
哇~~ 比起上個星期。真係好好多喇~~
兩兄弟連續發左7日燒。。
細細仲係第一次發燒添。。
兩個都瘦晒。無胃口食野。好彩仲有精神玩。算好架喇。。
我就好似好耐無訓過覺咁。攰到…唔識形容。。
如果生多一個。又如果3個一齊病。真係無手抱喇。。
因為呢兩個禮拜。呔仔同細細痴身痴到。時時刻刻要抱住。。
小朋友病真係好辛苦。大人都辛苦。。
真係一定要祝大家 身體健康。精神爽利~﹗﹗
好喇。。
講返1月22號。過年前既相喇。。
之前太忙都無機會寫卜。。
yeah~~~ 細細終於可以同哥哥一齊去公園玩喇~~~~
我地都戥佢開心呀~~~
出發前。勁肚餓。買左少少野食。諗住玩完先去食飯。。
點知比weak7倒晒。真係… -___-""
本身訓緊既細細。知到有得玩。竟然彈起身。仲笑晒口。。
"喂。我發夢聽到你地話去公園噃﹗唔好賴低我呀~~"
出緊牙。猛流口水。。
開心細細。。
好擒騎。走左去前面攪攪震。。
一日三餐。細細圓左少少呀。哈~~
媽媽最鐘意咁樣~~
買左盒"香蕉奶"比呔仔。第一次飲。隻傻豬當寶。。
"使唔使收埋呀? 邊鬼個會搶丫~ 哈~~~"
"唔收埋。一係我即刻飲晒佢~ "
野戰細細。。
奔跑呔仔。。
"行到攰。坐低抖抖先~~"
坐呢個都好。唔使自己行。。
"爸爸呀。咪掛住影。推下我啦~~~"
"唔推我。不如放我落黎喇。。"
哈哈~~ 咁先係架嘛~﹗﹗
"我識跑添呀~~"
1歲細細。大個仔樣喇~~
同哥哥一齊爬~~yeah~~~~
細細衝呀~~~~~
續~~~~
還有好多我們家的最新動態在FB專頁上唷!歡迎點Like加入大家庭! »
哈哈,2兄弟玩得好開心,細細已經識號跑,真叻BB,呔仔有冇吃哂成條粟米?祝你們身體健康,開開心心。
haha我都係睇左呢個blog好耐但第一次留言….呔仔實在太得意喇! 另外細細又大個仔左! (細細真係好似weak7 XD)
有時唔開心睇下你地個blog,同2個仔仔既相就會開心晒!! :D
新一年祝何家身體健康, 日日都開開心心:D
恭喜發財,同你地拜個年先 ~ 唔知身處外國嘅你地有咩新年節目呢?
新一年,祝你地一家身體健康、笑口常開,繼續發放多D正能量,咁我地就會多D笑料啦 ~
有無片睇呀?好掛住車呔仔嘅笑聲呀~
細細隻鞋仔好得意呀! 1呀! 2呀! 好似提佢行路咁…..
呔仔食粟米個樣好得意
樂觀D咁諗,細細 每次發燒就會快高長大D 細路成日都發燒ga喇,小病是福
細細愈來愈可愛
細細真係好叻呀, 比我個朗朗豬細半個月, 但經已識跑……….. 仲好活潑添……… 祝你地一家都身體健康喇!!! 最梗要開開心心!!!
嗯嗯..身體健康真係好緊要!!!take care呀~
細細呢個樣…同呔仔真係成個餅印咁呀…
等左好耐啦!!!!!!! 睇黎細細,呔仔全部人好返曬真係好呀!!!! 最緊要身體健康呀!!! 細細真係大得好快!!! 睇黎細細擒哥哥既日子好快到!哈哈哈