2013情人節。呔細第1次玩雪。。
今晚我勁呀﹗9點半暗左仔。食左杯雪糕。hea到11點先寫卜~
哈~ 唔知係咪堅係日日 / 隔日有卜睇架。不過講得出。
起碼都keep返一頭半個月。都叫對大家有個交代嘛~ 哈~~
2013年2月14日 情人節
終於黎到情人節了。Yeah!!
今次D相影得好好呀。可能好耐無出過去玩全日。大家都好興奮呢~
特別是2隻野啦。一早講左會去玩雪。但呢個病完到果個。結果一拖再拖。
plan左好耐了。佢地既滑雪裝備亦一早買齊。
所以今次都無約人了。一有機會就去﹗
前1晚呔細不斷問。聽日我地去玩雪呀?﹗哈~~
2個人既時候。weak7已經係一袋2袋。而家4個人….爆倉 @@
一個極度興奮的小孩!!!
坐car seat仍可手舞足蹈 XDDD
細細見狀唔執輸。即刻上身。
叫我影佢﹗係叫我影佢﹗﹗ XDDD
辛苦老公喇。車程來回7粒鐘架~
2個睡褲(打底)小孩。途經麥記醫肚~
新出既Fish McBites。又OK喎~
一人捉一隻 XD
Yo! What's up buddy?
中毒XD
開始見雪山了~
話咁快就到﹗
(哇﹗人講架?﹗自己都想星巴自己 XD)
之前個心其實好想Snow Boarding。最後都係打消念頭了。。
伴住2隻野既快樂。永遠排在第1位 ^^
古有"拉牛上樹"。今有"拉仔上雪"﹗XD
天氣好好呀。又無落雪。玩玩下仲熱添~
2隻碌碌下雪既仔。比我地捉左去全家福 ^^
心情大靚﹗任影唔嬲 XD
好好好鐘意呢張呀﹗勁開心。真係辛苦都值得~
叫佢2個面貼面…..
呔 "我塊面仲大力啦~ 推推推~~"
細 "當我流嗎? 我頸力都唔弱架﹗"
"細佬﹗比D面好喎~"
"咪成塊面質過黎比你囉~"
"我縮﹗﹗"
"唉呀﹗你….你…. 你竟然出矛招?﹗"
"嘿嘿﹗你跌﹗你輸左﹗"
自己拉雪板Sir~ ^^
開心開心~
雪地Push up??@@
努力努力﹗
到頂﹗玩雪啦~~~
好矛盾既父母心態。好想佢學Snow Boarding。但又怕佢受傷….
呔仔隔離班有個同學仔先Ski完返黎打左石膏。
佢媽比張X-Ray我睇。小腿骨裂左。慘豬~~~
都係開開心心玩下雪算啦。開左個頭以後有排驚~
四圍跑~
雪地狂奔~~
整左D雪球。呔細同爸媽大戰 XDDD
仔有仔玩。我地自拍
玩到咁上下。食D野抖抖先~
爸爸早起預備的午餐。細路有湯通粉。
大人杯麵﹗Yeah﹗
飲奶斷6親的細細 XD
肥呔個雙兜好正 XD
裝下有咩食先….
有咩都比媽咪食晒啦﹗
我想講好耐架喇~ xD
攬下先啦仔﹗﹗
嘻~ 一早講左黎玩當慶祝。點知收到驚喜呢~
開心開心﹗﹗
之後有人埋怨我無準備。你知我個人好單純架嘛。哈~
(知衰mode)
3父子XD
係粒貓頭鷹頸鏈。好靚呢。多謝老公~ ^^
(無貨賣。唯有賣口乖吧)
笑咩呢? 唔通係佢問緊我準備左咩比佢?﹗ XD
細細溝囡樣 XD
好浪漫呀。連糖都係心心形 ^^
無聊鬼~
唔食糖都甜晒啦﹗
企鵝Pose~
好乖仔的樣子 XD
肯企定定影相係有原因….
食完野行遠少少有斜路Sir雪板~
黃昏。堆左個小雪人~
就係呔仔同Artin同學講電話。 口中既小雪人喇~~
快落山了~
呔細揾木枝小果寶。合力整雪人 ^^
成形了~
十分忙碌 XD
仲差D裝飾咋﹗
影相的我不忘自拍 ^^^
膠桶做帽?﹗細細有創意呀下~
加左眼同手 ^^
"嗯﹗我好滿意~"
專心。。
好喇。差不多走人。同小雪人影相留念吧~
好開心﹗^^
3﹐4月仲係雪季。希望有機會去多次啦~
拜拜啦雪人﹗你快高長大喇 ^^
hehhe…真係有blog 睇喎﹗開心﹗
我仔話好羨慕呀,有得玩雪.
好開心呀〜 雖然要揸車去,我地見雪要坐飛機,哈哈!不過就咁睇D相真係好開心呀
以前住USA個陣, 一有假就同D朋友上山玩Snowboarding,你呢篇卜實在勾起我太多回憶啦~
d相好靚呀!
Yo! What's up buddy?左邊個張好似Kelly!!
真係好溫馨呀…
可惜香港冇得落雪啦,
我都想親眼睇下雪呀!
情人節個到好sweet呀,
下年Kelly要好好準備啦,
weak7年年都係咁有心思~
d相執完果然係唔同D呀, 好靚呀!
有個靚媽咪,啲仔都著得型過人!