Day1 機場.新宿。無啦啦東京
終於都寫到卜喇！！！
Shemom果邊唔知做咩。上月UP幾次都攪唔掂D相。要逐張插件。
好彩小管keep左呢度。再寫唔到又無癮寫架喇…
我知。呔仔7歲生日未寫。7&8週年city hall又未寫。聖誕呀玩雪果D又未寫…
唔理喇。寫卜趁新鮮！寫左今次”無啦啦東京”先啦！ (rockon)
話說上個月weak7既表弟 – 呔細的 親親表叔 – 話我知佢plan左自己去6日東京。
哇！真係恨到流口水。2007年同媽咪去過後。都無去過東京了…
再對上一次東京喪玩喪食喪買已是少女時代的2004年。多麼懷念啊！
雖然會同7呔細去大阪。但玩法唔同嘛！同仔去。所有野都係for仔的。
D FRD都話我去日本可以完全唔買野好堅 (surprise) 。
其實同仔去就係enjoy親子時光。最多買下零食小物。
佢地勁痴身 (其實係我鐘意痴佢地 (laughing) )都無時間行街Shopping…
好啦。7見到我10分羡慕的樣子。竟然問我係咪想去?
係呀！好想呀~~~~~~~~~~ (drooling) (drooling) (drooling)
之後老公話請假睇仔。叫我放心去玩啦食啦買啦。
成就左今次6日5夜”無啦啦東京”了！多謝老公~~~
不過其實拖左陣心大心細去唔去。7湊左年仔。
未試過自己去玩嘛。驚呔細唔ok。反而老公安慰返我轉頭。
咁又係。大把時間繼續日對夜對。都係走幾日之嘛… (blushing)
又。唔知做咩好多人聽到我同表弟去旅行好似好奇怪咁。
其實大家有所不知。我同親親勁frd底。非常岩傾。
連7都話親親似係我表弟多過佢表弟。不用分得那麼細啦！
旅行既野岩玩岩食岩行咪得囉~ (big grin)
2016年1月21日。果朝送仔返學後。7車我出機場~
其實專登叫7唔好泊車drop低我check in就算。
費事眼淺啦ahhaha 好似結婚咁耐第一次咁樣出遠門。
見到佢跑返黎果刻。個心又好鬼甜。之後就痴住喇 (love struck)
SFO機場留影。就入閘lu~
唔知個閘原來就過關後第1個咁近。入到去仲有時間。
結果我又難捨難離。whatsapp左一陣。然後
2公婆隔住塊玻璃門望住對方傾左陣電話 Hahaha
(係咪好想反手扯巴我地 (rollingonthefloor) (rollingonthefloor) )
今次坐ANA~
起飛喇。望到我屋企。同埋呔細響學校返緊學 (nerd) 
上機睇左陣金26曲。好耐無聽e神唱live。有D感慨~
其實好眼訓。唔好話中午機。7呢年來我渴睡得好緊要。
何時何地都訓到。飛HK十幾粒鐘2隻野責住我都照訓。
仲要覺得咁快到既?? 所以飛日本11個鐘好閒~
正呀！！！岩晒胃口。食飽訓覺！
一覺已是7粒鐘。起身食早餐後。差不多落機了~
天空~
到喇！！！落機已是1月22日了~
老實我呢刻心情先開始覺得興奮！哈哈~~
約左表弟響酒店等。佢早我粒零落機。去CHECK IN先！
趕車。搭Narita Express出新宿。好快好舒服呀~
外面的世界~
搭到新宿5點幾。開始天黑了。。
落車寒到呢~
終於有機會影下部車。好靚 ^^
搭完飛機又搭車。加上時差。有D面青 (silly) 
快D飲罐粟米湯暖下胃先！其實暖手更重要。真係極寒！
凍過三藩市好好好好好好多~~~
出東口。歌舞技町。一上面就見到木村格仔衫。
個心即刻播返LG…. True True 梳多呢~ 
一路向前。直行。藍色果棟就係 Hotel Gracery 哥斯拉酒店！
5分鐘左右就到。位置好方便！
表弟已在房等緊。放低行裝。出去搵食喇唔好side時間呀！
新宿街頭。。
新宿站圍住。實在太太太多野行。1日都行唔晒。。
搵食前行下先！因好多店收9pm。可以行陣先食野~
OIOI MEN
陪表弟睇男仔野。。
陪睇的人無聊自拍~
晚餐食 “利久牛舌”~
好好味呀~！！！
特別是碗湯。真係極好飲又暖胃。咁凍特別滋味~
我的~
唔食牛的表弟。今個trip都破戒了~
好靚的背景~
夜喇。好多地方收。我地去左 BicQlo~
即係Bic Camera + Uniqlo 哈哈！
買野~
四圍好多Star Wars野。我扭左左下Troopers比呔細~
癲左……..
見到個細路。背影好似呔細的。又掛住佢地了 (blushing) (blushing)
上次呔細行Bic Cam動物toys又係咁樣睇玩具 hahahh
行過又見到叮噹shop~
3月5有新戲上呢~
見到新宿的蟹道樂。又掛住老公&仔s…..
行過特色小店~
搵到Bake Cheese Tart啦！好香呀！！！要排隊呢~
排左15分鐘左右啦。到了！
好好味呀第一次食！哈哈！
買左6個。1人3個！
酒店樓下勁多拉客。但唔騷擾人的。除非單身漢。ok安全既 ^^
明知表嫂咳。響我面前食雪條！可恥！！
走左轉驚安。買左D 零食。一包二包上樓去！
去到日本。係有無限的胃。可以食無限咁多餐~
我地既宵夜 wakakkakka
酒店房係咁樣的 ^^
夜景好靚呀！住2905。好高呀！！
食多個撻先訓啦。增肥之旅開始lu~~
~DAY 1 完~
好正呀 期待緊第二日已經
潛開水都忍唔住要say聲hi ^^
正ar~~ 又跟呔媽去旅行la~~~
你個撻樣 (laughing)
我十幾年冇去東京喇！ (drooling)
好詳細介紹, very good 🙂