號外: 被細佬折磨中。。(更新)

真係唔知發生左咩事。。
一向自己訓得好好地既細佬BB。一晚醒幾次。仲無啦啦要我抱訓。。
唔通真係咁貪靚。驚訓扁個頭??

由上星期開始。細佬突然啟動 "扭計裝置"。。
日頭如果抱抱下。一放低佢就會嗌。。
一係放低左要同佢玩。唔可以一放低即刻走人。。

夜晚。就更加玩野。。
平時11點食飽訓著。4點半打後先會醒。食完奶即刻放低又訓過。。
而家。2點。4點。6點都要食奶。。
(呔仔通左水比細佬??)
仲衰到要抱住先肯訓。一擺低就喊。。
哼﹗﹗﹗太過份喇~~~~
媽媽我呢一個星期嚴重缺睡。每日都暈暈暈。。
又比隻大面砵壓到腰酸背痛。。

點解。點解細佬會變成咁架~~????
我乖乖既細佬BB。你幾時會再出現呀~~?????

更新 :

琴晚又正常返﹗﹗乖乖自己訓~~ 

不過佢都開始大個仔。想人抱佢同佢玩喇。。
又嘗過扭計得逞既滋味。。

(都係你地衰啦﹗叫我抱細佬多D。而家抱過番尋味啦~)
開始古惑喇。自己訓就好地地。。
知道我響隔離就扭我抱佢。。

咁都岩既。比我抖左最難捱既頭3個月。好好架喇。。
再唔開始發圍。真係到我驚~~