感激細佬B。。

除左我。佢地訓晒。包括成晚喪訓既細佬B。。

嫲嫲前晚病左。變晒聲。。
打針都無咁快。惹左比呔仔。琴日朝早呔仔已經流緊綠鼻涕。。
琴日下午即刻攞藥按住D菌。今日好返少少。。

又到爸爸頂唔順。面紅紅。病埋。。
我?? 尚算頂得住。不過都啪定兩包藥穩陣。家陣"人在邊緣"。。

呔仔病左。極度"long 黎"。好臭脾。。
爸爸病埋。臭脾二人組。。
 (係。爸爸平時好好。但係一病就好鬼忟憎架喇 -____-" )

爸爸頂唔順要訓先。。
我要暗左呔仔訓。先放返佢上爸爸床。。
岩岩暗左成粒鐘。打交咁滯。終於訓著左。。
我一開門 (已經好細聲)。佢又彈起身。真係火都黎埋~~~﹗﹗
快快手的左過爸爸房。又暗多十分鐘。。
終於終於訓左~ 我功成身退~~ 累到爆廠~~~

沖埋個涼。行返出廳。細佬仲係好乖咁訓緊。。
其實我一路暗呔又怕細佬喊無人理。。
一路沖涼又怕佢喊會嘈醒"臭脾二人組"。。
唉。真係大壓力。。

望住訓左都微微咀笑既細佬BB 。我突然間好感激佢。。