我的中學時代。。


上回講到今次會寫篇好爆既卜。。
哈~ 無錯。就係要出賣自己。出賣朋友喇﹗﹗話說我係中三果年移民既。有幸享受過3年快樂既中學生活。
真係極度Happy 架﹗
我讀聖安當。係間女校黎既~
成班女仔”維威喂”。由咩都唔識。到咩都識少少。幾開心呀﹗
中學時代既我。已經係鐘意交朋結友。見人就撩黎喇。哈~
除左自己果班之外。羽毛球校隊。隔離班同學。上一form師姐。好多堆人架~
岩岩呢次返香港。班友仔先講返。
話我果時一Lunch梗係約左邊班邊班。成日無影。無同佢地食喎﹗﹗
哼~ 無理由喎﹗印象中成日同佢地食之嘛~
又老屈我 ><

就係呢班戍利。陪我渡過左最快樂既初中生涯~
考霖 / 阿碧 / 咖哩 / 阿Kit / Tracy


呢張加埋 Soso(左2)
好喇~ 一齊時光倒流。回到中學既情懷啦~~
1993年秋季Trip。F.1
果時好興”薄儀”超架﹗四大天王天后必戴﹗ XD

郭富城頭呀﹗﹗(94年3月17@樂華村某處)
呢張應該係94年秋季Trip。F.2
我 / 佩珊 / Tracy
哇卡卡卡~~~
輪到沙龍喇﹗Yes!雜誌後面勁多廣告果D 呢~
頂唔頂得順先??

哇﹗呢d pose經典喇﹗﹗
呢期蒲德福Roll場。進入著”York” 同狗牙Timber既年代﹗
果時開始自己去旺中買衫。好少女呀﹗哈~
我同Tracy果件好似一齊買既。嘻~
1994 vs 2011 (笑死XD)
Tracy / Yen / Me

考霖(右一)唔比我PO呢張架﹗哇哈哈~
不過講得中學。點少得佢呀﹗
好輕手架喇。有 D close up都無PO XDDD
呢張係去考霖屋企。玩啤牌。輸左畫唇膏XD
我同Kit呀﹗ 1995 vs 2012
塘官碼頭﹗有無人去過呀??
我地果時成日放學去坐。仲寫字架響D石頭~ 哈~
“世上男兒那麼多…為何只愛你一個….”果渣呢 XDDD果時好潮架﹗
Cat Boots + Polo襪 (小春有張Yes! Card都著Cat呀﹗)
阿Yen 就 Cheppi波鞋 + 令面裇衫。果期勁興~﹗
牛仔褸都係當年must buy之一﹗
都仲係95年。果年影好多相呀﹗
響晒考霖度。點知隻衰婆話以前個樣太豬。掉鬼晒喎﹗
我呢D 珍藏黎架喇﹗無架喇﹗﹗><
果時好興著長裙架都~
呢張攪笑喇﹗佩珊同阿Yen係隔離班架﹗呢班出去蒲多既 ^^
95年2月。香港公園。個個著到靚一靚…除左我…
仲衰到掛住食雪條添﹗﹗
真係本性難移 XDDD
York654!!
呢個係後期少少既95年喇。剪左短髮~
個樣大個左。都似返而家少少 XD
又黎娘爆沙龍 XDDD
呢個應該好遲架喇。99年架好似~
拜年pose
“恭喜恭喜”XDDD
手指勾褸 XD
拿﹗你地一定有架喇呢D~
中學時代。點少得抄歌詞﹗﹗
呢張係考霖抄比我既~
下面2張係我抄比考霖既。不過無比佢~
好多時一掛住佢就會自己寫D 野比佢。但永遠唔會寄既~

至於點解無比佢呢。係有段故~

話說考霖。響果3年中學生活入面。佢對我係極之沉迷﹗
如果唔係佢有溝下仔。我一定以為佢係Les 既 XDDD
當然佢咁錫我。係因為佢真係當我係最最最好既朋友啦~﹗
只係無奈地。佢痴心錯付了~ 哈~
其實我都當佢係好好既朋友黎。但唔知係咪見佢太錫我。對我太好。
同埋次次激嬲佢。又好易氹返佢喎。所以我成日蝦佢。又鐘意坤佢架 XD
佢講返話我果時太多朋友。成日無時間理佢。好忽略佢。
又話覺得我果時唔當佢係好朋友喎﹗
拿﹗呢D就諗埋一邊喇~
佢對我的確係又愛又恨既。堅係好似人地拍拖D小情侶咁。
氹完又嬲。嬲完又氹…..
在於我黎講。反而我係覺得果時細個。根本唔識珍惜
佢。
更加覺得佢對我好係必然既事~
無失去過嘛。又點會長大呢~?﹗
直到中三我走喇。果時發生左一件事。令到我地幾個女仔都分開左。。
丫﹗正確黎講。係我同佢地分開左。佢地響香港有keep Friend既。。
加上我又走左去美國。識左Shirley佢地一班朋友。有新生活了。。

但響呢10幾年間。我都經常好感慨地諗返起同佢地既日子。
但每次諗完。都覺得大家已經各有生活了。
個心好想。但又唔知點解好驚揾返大家….
可能好怕被拒絕或者好冷淡既感覺。情願留住回憶既快樂~

之前間唔中隔幾年都有見一見既。但唔多。見完都少聯絡架~
直到07年。Tracy結婚。年尾生左Isaac哥哥。
而我又開始大肚。先開始揾返Tracy講2句。。
至於點解係揾佢呢。因為我同佢小四識到而家了(其他係中一開始)
所以感覺佢係好可靠。點都唔會咁冷淡cut我線掛?﹗XD
但都無揾考霖架﹗﹗
可能細個對佢太差啦。真係好鬼驚佢根本唔想見返我~

我響香港擺酒都無請佢地。只係出黎食過一餐飯。。
08年頭。呢餐之前。已經有好多好多年無見架喇﹗

之後到考霖結婚喇。收到佢email想我出席。不過唔岩時間。
好似果時係有左細細既~
之後大家就開始響Facebook交流喇~~
到2011年返黎時。大家已經熟絡返。但都唔係見到好多次。。
直到今年返左香港4個月。勁喇﹗
我地呢幾個終於”重聚”了﹗﹗
一有時間就見。有開倉就一齊闖。總之感情係更勝從前~
特別是考霖。更加係一有時間就zip。好似”分分鐘需要你”咁架 XD
感覺又回到從前。佢對我果份友情。真係唔識形容。太正了~
唔同以前既係。我長大了。已經識得”珍惜” ^^

有次考霖陪我返舊屋執野。大家傾左好多。。
講返細個時既感覺(都係我對佢唔好果D啦-_-)。同埋呢10幾年黎大家既生活轉變。。
睇返好多舊野。佢寫比我既信。大家既感覺直頭係澎拜﹗
大家都覺得。對方係自己心入面既一個遺憾。
直到今日。大家既心結終於解開了﹗﹗^^
多年黎去掛住一個人。其實好慘。。
聽呢首歌。諗起佢….

“歲月的童話”

從前曾搭著膊在照相  公園裡共你比賽攀樹上
還有 什麼歌 都亂唱
插著褲袋哨子吹響  看夕照是如此漂亮
一切 就這樣分享
回頭時那日那夜那背景  彷彿已沒有什麼可記認
時間 製造缺陷 不停
這夜如可閉上眼睛  再共我回憶中約定
心裡 就有感應
*即使走過幾趟遠路  如何都掙不開歲月擺佈
這刻收一收腳步  為對方拍拍滿身的塵土
好想知你可會快樂  還是總躲不開生活煎熬
只想 你仍安好
仍然能搭著膊在照相  講起了自幼戀愛的對象
還有 熟悉的 那些歌唱
若你願陪我偶然停下  那夕照 仍然很漂亮
跟你 看著同一方向

*    *    *

好喇。懷舊到此。下次講澳門既時候。
你地就知道我地係幾珍惜大家呢次出門。
真係分開咁多年後。第1次出門去玩呀﹗

還有好多我們家的最新動態在FB專頁上唷!歡迎點Like加入大家庭! »