Feb-3 & 4-2010

呔仔開始知道細佬既存在。。
係每日都存在。唔係間唔中黎玩既朋友仔。。
佢起左身之後。第一時間會望下隔離BB床既細佬。。
出廳玩之前。會錫錫細佬BB。"拜拜"佢。。
又會拖我去揾細佬。請玩具比佢玩。。
初頭幾日見到細佬有點呷醋發脾氣。而家已經消失左。我地都安心好多。。
而家見我抱細佬餵奶。佢會乖乖自己玩。等媽媽餵完先陪佢。。

無錯。weak7返工既時候。佢會叫醒我。。
我就會帶埋細佬轉房。去陪呔仔訓。。
因為呔仔起身要有人響隔離。果個。又係我啦﹗﹗
可能大家會覺得我好攰。而事實上我真係好鬼攰。。
半夜要湊細佬。不停餵奶。。
晨早起身轉房陪呔訓。訓兩三粒鐘 (如果細佬唔嗌的話)。又要同呔仔起身。。
老爺奶奶都有提議等佢地陪呔訓。呔起身我就唔使起身咁慘。。
但我都拒絕左佢地既好意。。

其實晨早起身見到個仔。佢叫聲 "媽媽"。錫我。仲要係狂錫。。
呢D親子時間。我就算幾攰。都唔捨得放棄。。
我有目標架﹗﹗半年後等細佬戒夜奶一覺訓天光時。。
我就可以攬住兩個仔 (老公無份 ) 大覺訓~~~
哇哈哈哈~~ 真係諗下都開心~~~~~~

而我既付出。得來既回報就係呔仔呢塊貼身膏藥。我行到邊。佢痴到邊。。
我。就最鐘意個仔痴身架啦~~
小朋友鐘意詐嬌。得到爸爸媽媽既愛錫。係可以令佢建立自信架。。
有自信。就會成為一個開心。思想正面既人啦~

回到2月3日

一有朋友黎屋企。佢就好開心架喇~
四圍騰。拎玩具比人玩。狂笑。跑呀跑。。

喪訓中。。

BB團。細佬都加入了~~

喪笑路人甲。矇盛盛入鏡。。

拉細佬car seat。咕哩呔超大力。。

2月4日
細佬第一次去check-up呀~~~

呔仔頸愈來愈肥。。

又去摸下細佬。。

手拖手。。

診所中。。

細佬成日笑咪咪架。好鬼甜。。

做咩笑得咁尷尬。。

出世 7磅7。轉眼已是 8磅1

度頭頭。。

近日weak7話我影相個樣好神怪。。
當一個人日夜不停餵奶。換片。又餵又換。。
佢神左係好正常既~~

大家放心。我無產後抑鬱。。
不過其實生完BB 既女人。真係好易會有。特別是第一胎。。
我D變態野。有機會先再詳談。。