杯杯杯。。


自從呔仔5個月左右。識得自己渣住野。我就比佢用杯杯自己飲水。。
到9個月戒人奶時。佢就用鴨咀杯飲奶。。

之前一直用Born Free (7oz)既training cup。都用得唔錯。。
可惜個咀成日比佢咬爛。咀可以買過。
但入面舊膠"霎"得多又縮左。所以漏奶奶。。

前日去買過兩個新樽。由於7oz樽成日要沖多次。所以今次買9oz。。
原來9安 同7安個咀係唔同既。"9安咀"係硬咀。都無咩所謂啦~~
點知一斟水。漏得好緊要。直情倒出黎一樣。。
但 "7安咀" 又無咁既情況噃 (除非比呔仔咬爛 -___-"")

咁漏法當然不能接受啦~~

於是我又去買另一款杯黎試。上網睇下review。見到呢款唔錯。。
Playtex Lil' Gripper (9oz)

今朝比呔仔試。可能個咀硬 同埋 比較短。佢好似唔多likey~~
雖然飲晒。但好似飲得好慢。。
可能新杯唔慣掛??

以下兩隻飲管杯。就係飲水 & 果汁既。。
呔仔飲得好好。但最衰飲管杯唔可以灘響度飲奶。啜空氣。。
否則用呢種飲奶仲方便。。

(親愛既表弟弟。如果你見到呢篇卜。唔該幫我買返combi杯果set膠飲管~
唔知係weak7定奶奶整唔見左入面支管。無人肯認~ )

哈哈~~~
後面肉色果舊係呔仔黎架~~ 午睡中~~~ 

而家個問題係。我應該用返 Born Free 9安杯。配過個唔漏既咀丫??
定係用Playtex Lil' Gripper。等呔仔慢慢適呢個杯呢??

有d擔心既係。呔仔平時會自己拎杯飲奶。而家要我渣住迫佢飲咁。
可能係新杯佢未識點啜。又唔順手。。
好怕轉左新杯呔仔會飲少左奶呢~~

你地個B咁上下大時。又用咩杯飲奶呢??

***** 新進展 *****

今日又比佢試。發現佢識分邊隻係佢飲奶 / 飲水 &果汁 既杯。。
無辦法喇。。
唯有用返新買既9安Born Free鴨咀杯。再買過個7安士唔漏既軟咀。。

條友今朝再試用新杯直情唔肯飲奶。。
倒返落去個舊杯度又即刻飲晒。吹賬~~~~~

還有好多我們家的最新動態在FB專頁上唷!歡迎點Like加入大家庭! »