418。淘大/德福冒險

呢日搭巴士返淘大~
無錯我係九龍灣/牛頭角/觀塘人 ^^
90年既淘大。係我同Tracy開飯既地方。。
由小學四年級我地已經響淘大Lunch。一係美心一係KFC。
美心D飯有菜。一定係佢食葉我食"杇" XD
真係好懷念以前黃黃舊舊既淘大。每間店都係小本經營。
有無人記得"勵高廊"?
而家仲響度架。不過搬左位。裝修都不同了~
可能我走左咁耐。而每次返去都唔係留好耐。
我記憶中既淘大。仲有90年既記憶。好珍貴架﹗
堅老餅喇。咩都係舊時好。。^^

我地約左考霖&浩浩食Lunch~

佢地大喇。唔使帶車。搭巴士係好方便~

又多野睇~

開心開心~~

呢間響淘大萬寧隔離。之前同考霖黎食過。幾好味。再帶佢地黎試~

都話左邊個抱細細。佢就似邊個。無講錯啦~哈~~

佢地一家人~

呢個飯團Lunch幾正~

好鐘意我2個仔既朋友。呢個Trip真係幫忙不少。感激~
下次返黎。佢個囡半歲喇~
而家佢陀緊6個月。好戥佢地開心呀﹗﹗

傻豬呔自拍~ XD

飯後過左德福冒險玩。。
又係一個童年/少年既回憶。。
有追卜既可能都有見我提過德福Roll 場~
哇﹗真係堅型架中學果個年代﹗
成班人一人一條York654。同場仲有York變色龍。
真係紅橙黃綠藍紫。成條龍咁踩架﹗
我一講大家可能好興奮架喇。哈~
Polo有個刷仔果個袋。地圖袋。煲袋。MDuck。Body Glove。 "先屎"褸。Timber狗牙底。
Polo襪。Dr. Martin。Cat Boots。(窒窒通)步步通。和記火鳳凰。Yes!尾頁果D沙龍…
仲有好多經典野架﹗真係講一晚都講唔晒~ XDDD
德福麥記更係小學"長週"成班同學約去食早餐既地方呀﹗
基本上小學至中學。我都係圍繞住觀塘/牛頭角/旺角(考霖住旺角嘛)~

細細真人示範 : 食飽就瞓…

瞓飽就玩~ 幾爽﹗﹗

佢地湊仔。我自拍~ XD

"我企下得架喇媽咪~" (真實對白)

轉頭去左打鼓~ ^^

細細話想玩。哥哥就驚驚地。唔肯玩~

點知架車一郁。有人即刻嚇到喊~ XD

要爸爸即刻救走佢~ @@
係呀。隻衰豬得個樣架咋。平時好似好勁咁
。
幾勁咪又係BB﹗一有咩事嗲到暈架 XD

呢個就醒喇。無我陪住咩都唔試架~
安全。小心。細心。愛觀察。好有危機感架﹗似足佢老豆。。
無錯﹗細細似我﹗﹗XDDD

"都係打下鼓穩陣~"

哇~ 呢個好玩喇﹗
我細個都好鐘意玩架﹗﹗
以前有部響海港城反許隔離。我中學成日去 ^^

佢地第1次玩咋~
朋友好奇怪問。點解我地去"冒險"唔使唱錢架呢?
係架。從來都無比佢地玩。佢地又無要求玩。。
基本上行黎行去。望下坐下。佢地都好開心架喇~
今次係佢地第1次入錢玩。。
都話返香港好易學壞架啦﹗
D朋友少見佢地。個個買玩具。喪扭蛋。縱壞晒喇﹗
攪到我平時好似好專制咁 @@

睇下佢幾緊張~XD

到細細玩喇~  yeah!

撞鬼囉。識問人攞錢~ -_-""

又真係幾好玩既~ 哈~~~

叻仔呀﹗﹗

大細路﹗﹗

死心不息的呔。。

好野﹗再玩多次﹗

就"不"到喇﹗﹗

幾得戚﹗哈~

服毒﹗﹗﹗XD

走喇。放低2隻野返屋企。我地自己去街街~

CHOK細﹗

"可愛仔"。佢話鐘意我咁叫佢喎﹗嘻~~

呢日寫住半PART先﹗
晚上我地出佐敦。影左好多相呀。哈~
聽日再 PO ^^ 早抖~