呔仔。13個月大

話咁快13個月大。仲有2個月。細佬BB就出世喇~~ 哈~~~
我既心情。都係興奮多於緊張。。
我係煮到埋黎就食既人。都無咩要擔心既~ 不過到時呔仔扭少D計就更好啦~~ 
唔知呢。我覺得多個BB。佢做左大哥哥。點都會有D變化。。
雖然唔知係咩變化。但都幾期待。。

大致上呔仔今個月識多左好多野。識聽好多野。識同我地溝通。。
比野。攞野。。
話著衫衫識伸手。著褲著襪識舉腳。。
琴日仲扮同爸爸講電話。放響耳仔隔離。。
終於識揮手bye bye。。

勁爛玩。一聽到 "媽媽黎捉佢喇~~~" 佢就會笑住走入走廊盡頭轉角。
等我去捉佢。唧佢。笑到爬響度。。
又鐘意同爸爸玩瘋狂遊戲。唔知咩黎。亂咁玩又笑一餐。。

鐘意落地。行得好穩陣。無野kick到佢。都唔會跌既。。
好鐘意扭計。咩都扭一餐。。
我地好少比佢得逞。除非係整親大喊。先會安慰佢。。

扭計時會狂叫媽媽。但平時叫任何人。包括我。都係"ba ba ba ba ba…"
第三個音出現左。唔係爺爺嫲嫲。而係"ga ga ga ga ga…"
最鐘意拖我同佢去佢想去既地方。例如係入房。廁所。廚房。。

開始唔跟陌生人。一定要玩到熟左。見耐左先比抱。。
有自己一套。開始有性格 = 難攪

23磅。29吋 左右

食野同訓覺都無變。一樣係訓足10個鐘。食3餐8安奶 / 2餐粥 /生果小食
有時會食多一餐奶。佢都幾鐘意飲奶。。
諗住食奶粉食到歲半先轉牛奶。多d營養。。
而家有8隻牙喇~~ 哈哈~~~

訓覺就成日打大交。係佢扯我頭髮。一晚可以扯醒我十幾廿次。。
又碌過黎。訓我頭頂。扮龜。總之唔係正常既訓覺pose。。
一晚都有幾次突然撞個頭落黎。要面貼面訓。
應該話係用佢塊豬面壓響我塊面上面咁訓。吹漲~~
搬佢走幾廿次。又碌返過黎。。
如果佢同爸爸訓。爸爸第朝應該返唔到工~~ 

Dec-1-09