豎起仔近況。。

今日 豎起仔 22週半喇。。
weak7仲未得閒影下我個肚~~
每個星期都話weekend影。次次都出左街玩。。
無辧法啦。第二胎係無咁神心架喇~~ 

等我報告一下。上個星期去check-up。。
不過遲到。我上左去先。所以無影相。。
大約都係聽下心跳。驗下尿。都好正常。。
而家我。128磅
睇返上次陀呔仔 21 週時。125磅
其實今次我重得少啦。因為5月響香港臨走時磅。已經係120磅呀﹗﹗﹗
哈哈~~ 香港既美食。真係….

今次check-up同上次陀呔仔時一樣。。
都係話下個月尾要飲糖水。驗糖尿。。
所以過埋中秋。我就開始戒糖。白飯。白麵包等等。。
(我好鐘意食月餅呀~~)
多數無事既

豎起仔 上2-3個星期開始踢。而家已經踢得好利害喇~~
多數係食完野就踢。或者睇電視。劇情少少緊張都會郁。。
哈哈~~ 有時呔仔同我玩。撲過黎。細B都會踢。。
可能係叫哥哥 。你個肥佬唔好札親我呀﹗﹗
感覺好好玩。好似同緊佢兩兄弟一齊玩咁

22週既細B。肚圍36吋半

呢支係今次用黎擦肚既cream。超平。勁大支。好似 3蚊
事實上。有無肚紋應該同擦cream無咩關係。。
我覺得係睇個肚大唔大。同埋本身皮膚有無彈性。。
因為好幾個朋友都不斷擦。都好多紋。。
所以我好求其