~關Blog大吉~


2013年9月24日終於黎到大家都好唔想睇。而我又好唔想寫既一篇卜了~
原本諗住灘左呢單野咁耐。希望入到黎都無咁感慨。
原來唔係。因為我又好多手咁睇返大家響"露營卜"留既言。
個個話最後一篇一定要留返隻字。我個心又實晒…
係呀。好攪笑。見到好多潛水員上晒水。真係D名無頭像。哈~
其實我都唔知想講咩架…
唉。從來都無試過寫卜係咁樣。有口難言。
一路keep住想喊想喊咁…
唉呀~ 其實都唔係咩大事。又唔係唔寫。只不過係轉場之嘛…
係囉…
可憐我係勁感性果D人。真係好怕分手。
舊物始終係有感情。唔係新野可以隨便代替~
(不過我又認同失戀係應該盡快溝仔以減少傷痛感 XD)
好矛盾呀呵~
6年喇。響度蒲左6年。你地睇住呔細大。我地睇住你地大。
6年可以發生既事好多。
你地由中學讀到大學。由讀書出黎做野。由拍拖到生仔。
我地一齊經歷左好多人生大事呀﹗
我成日覺得。3唔識7。盲中中撞左入黎。睇到我地。鐘意我地。
係一個好大好大既緣份﹗
我都唔止一次講過。對於我而言。你地唔係FANS。更勝網友。
你地係我朋友。我會用心關心既朋友~
(可能係咁。一直以來都有唔少人email我傾心事 XD)
其實感情。係相向同埋累積的。知道點解你地入黎咁開心嗎?
因為你地都不知不覺當左我地係朋友了~
幾年來。愈來愈多人入黎睇。係香港人所講既"人氣。勁紅"
但其實"人氣"只不過係人地形容既呢件事。虛名一個。
我相信響我同你地心目中。無論我人氣與否。
你地對我既感覺依舊。仍然十分低B~
有時聽到人地會話。唔好寫呢D唔好寫果D。會比人挑tick。
我一D都無擔心過。因為我相信你地。
我同你地並唔係一般卜友既關係。我地中間建立左好多真心。
唔知係咪我幼稚。但我真係覺得。
鐘意睇我既人。都係善良既人。都係唔會諗衰野既人~
我有咩事。個個都會即刻出聲維護。
所以呢個卜6年以來。真係好和平。充滿愛~~
響度真係要多謝你地﹗﹗
多謝你地一支陪住我。縱使我係成日唔執屋。睇返佢地細個D相嚇死呀﹗
原來咁……….亂架咩??? XDDD
雖然而家都不是好。但以前堅癲喎真係 @@
你地咁都頂得順既?? 果然係同我有D緣份呀下﹗LoL
我覺得你地唔同層次。講真﹗我覺得我班卜友情操其實好高尚﹗
我地不理世俗眼光。唔膚淺。唔八婆。總之一句: 自己圍埋幾開心~
有人問我。點解我2奶(微博@呔媽)唔關注其他人。
可能你地都想知?
其實原因好簡單。因為我個人好簡單…XD
(真係好。講講下輕鬆左。無咁想喊。哈~)不如又講下呢幾年有咩大事發生過丫。睇下係咪鑊鑊都有你地份~
以我所知。好多人係我影法國婚紗果時入黎睇既﹗係咪?
之後結婚啦。好多人又鐘意我地呢D Hea到爆既"婚禮"。。
我諗大慨由果時開始大家慢慢知道我地咩料喇 XD
之後都陀呔生呔喇。應該係黃金時期。。
堅感動呀﹗﹗﹗幾百個留言。
好多人陪我生仔呀。等呔仔平安出世先去瞓覺~
到返HK啦。開始我地"碰碰呔"遊戲。好開心呀真係好多卜友
會暗暗地質個頭埋黎。細細聲講暗號 “碰碰呔﹗"
諗起都想笑 xDDD
之後又突然有左細細喇。又陀佢又生佢。
果時應該叫全盛時期。哈~
又係大班喪友等生仔﹗不過呢次甘呀﹗
計返HK Time你地清晨咁滯﹗
好多人話點都等。情願恰下醒下~ 有D就話頂唔順。聽朝一早上黎睇~
哈哈~ 好感動呀真係。世上會有幾多呢D事發生。
如果你地個個黎晒呢邊。我會要求姑娘比你地逐批入黎睇生仔。哈~
人地心諗。你哪來咁多親戚朋友呀??
然後當然係佢2個成長既紀錄。佢地濕疹啦。講野唔正啦。哮喘啦…
每次有事。你地第1個衝上黎開解。幫唔到既都留句言關心。
打氣。你地都陪左我好多。開解左我好多﹗
我真心感激你地每一位﹗﹗
難忘既事亦都一堆堆。
響香港我撞見到一個坐輪椅既姨姨。又撞過一D傷健既卜友。
佢地叫我同呔細。好緊張又激動既心情。話好鐘意睇我卜。
又買糖比呔細食。我好感動。偷泣。
因為佢地可能自己有既野唔多。但都分比我地。
你話呢D唔係感情。係咩呢?
我會諗。佢地可能活動範圍少。同外界接觸就只有靠電腦。
我願意我希望我可以帶比佢地開心。更多正能量~
就係咁。我就更決心一直一直寫落去~
而對上一次有"事件"應該就係我響2奶坤左大家。
PO左張"大肚"相你地以為我又有左。個個浦晒頭恭喜。
點知原來流料。hahaha….
你地都唔知呀﹗見到你地唔開心。我幾內疚。幾唔開心呀 T.T
果次我罰自己連寫7日卜賠罪。哈~
益左你地啦~

我地卜既事。真係講到聽朝都講唔完~
響度除左多謝你地一班卜友之外。我仲想多謝一個人。
佢就係FB Fanpage既小管 – 仔仔 ^^
多謝佢無私奉獻。成日幫我手整呢樣果樣。哈~
呢幾年真係睇住佢成長。大個仔了。
我想講雖然我無咩比到你。但我已當你係自己人﹗
多謝你﹗﹗

好喇。始終都要散水。希望大家睇呢篇卜。
仍然係一如以往。笑住咁走 (啋啋啋。大吉利是咩﹗)
Hahahahahahhahahahaha

最後。呢個卜要關了。真係真係好唔捨得…
響度送首歌比你地 – Today

離開 這一刻感覺不會忘記
朋友 抱擁告別明天各自遠飛
難得 並沒傷感依依不捨顧慮
重拾昨天 樂趣一堆

曾經 每一天相約找美麗去
陶醉 美的故事互相勉勵去追
曾經 望著天空一起哭泣至睡
臨別說起 亦笑相對

別了依然相信 以後有緣再聚
未曾重遇以前 要珍惜愛自己
在最好時刻分離不要流眼淚
就承諾在某年 某一天某地點

再見

** 之前講過喇。大婆搬去邊都好。總之大家唔好失散﹗﹗**
大家快D Bookmark 下面幾條link :

新大婆 Shemom : http://prochats.she.com/curry7/
2奶 微博@呔媽 : http://weibo.com/u/2177157422

3奶 Shemom (實用文) : http://www.shemom.com/
Facebook Fan Page : https://www.facebook.com/curry143

丫。仲有。由於多人問。同出版社商量緊想出一本呢個卜既精選書~
始終係我地一個時代既見証。都想有返些少渣拿﹗
哈~ 未知點出呀。你地有咩意見? 有咩內容提議下?

好喇真係拜拜。新大婆再見啦﹗^^

P.S. 差D漏左講。要感謝大家對我品牌CurryBee既支持!
大家都等左新衫好耐。我都一直等。又做左好多野。。
無奈廠問題。貨期難追。。
黎緊呢幾日出埋2款大人Tee同件小童背心。賣晒D貨。就唔做住喇~
或者plan下再用另一個方式攪。又或者做第二D野。。
你地撐我既快D幫我清敢D貨啦。知嘛~ ^^
CurryBee : https://www.facebook.com/pages/CurryBee/347862211970508

還有好多我們家的最新動態在FB專頁上唷!歡迎點Like加入大家庭! »