~ 我返工 Lu ~

我呢份工。係Shirley介紹既。佢細佬話補習社想開暑期班。問我有無興趣~
主要負責教小朋友。同埋睇住佢地。。
地點。就係我屋企隔離街既補習社。行一個街口就到架喇~~
對於我呢個大肚婆黎講。簡直就係Perfect啦~~
唔使日日坐響屋企。悶到發慌~~

我既schedule係星期一至四。1 點到 4 點 + 星期五。9 點到 4 點
本身我每日都可以返 9 至 4。不過weak7話太辛苦。所以平時只返下晝 3 個鐘
星期五係Movie / Play Time。先至返足 7 個鐘啦~~

暑期班一共8個禮拜。返 4 個。抖 1 個。再返 4 個 就完架喇~~
我平時既 3 個鐘分別係 : 電腦。勞作。中文
我一返到去。就食少少野。。
佢地開始玩電腦。我就預備教勞作既材料。整一個sample。。
之後教完勞作。就教佢地寫/讀中文。。
3個鐘。好快就過去架喇~~

玩電腦。女仔一堆。男仔一堆

預備手工~ 岩晒我~~

琴日整既雪花勞作。自由發揮吧~

學中文喇~ 戴帽呢個小子好勤力。又聰明﹗

教佢地好開心架﹗﹗今日我地整飛機。個個玩到癲晒﹗﹗
整完係咁狂飛。走黎走去。飛足半粒鐘﹗﹗