符碌精。買尿片

我地琴日買左好多尿片呀~~~
因為有 4 張 Coupon。每張買兩盒減$10蚊
由於今日過期。所以琴日我就拉左weak7去掃尿片喇~~~
意料之中。我想買既 Newborn / Sz 1。都差不多無晒。。

Huggies VS Pampers
好多人話Huggies漏。而Pampers雖然貴少少。但唔漏 & 舒服D~
各位媽咪。你地話呢?

得返1盒。我想買4盒架嘛~~

5蚊3包既濕紙巾~~

當我check-out既時候。黑仔事件就一浪接一浪喇~~

1) 拎左2盒 + 2包尿片去比錢。諗住一人用一張coupon。點知。。
原來上面寫明"盒裝"先有得減。最後只買左2盒。。

2) 我又上網Print左買滿 $25 減 $5 既 Coupon。諗住食硬呢20%off 架嘛~~
點知。佢竟然話唔用得copy coupon。要original。。
咁點解咁多人send比我既? KeL KeL你果邊用唔用得呀??

呢野已經打亂左我盤數。。

3) 咁我唯有用另一張15% one item 既 Coupon啦~~
點知。仲衰多兩成重。。
原本我地買左 $5 三包濕紙巾。原價2.50一包。。
就係因為我諗歪左。用15% off。變左$2.12一包。。
另外果D仲要原價。。
但其實唔用Coupon買 $5 三包咪抵好多囉~~~

就係因為我蠢。又用copy coupon好似好肉酸咁。weak7一路話我呀~~
"哼﹗人地都係想幫你慳錢之嘛 "

用唔到既 Copy Coupon~~

之後weak7見我扁咀。就提意去另一間遠D既Babies"R"us。。
睇下有無想買既尿片。順便refund埋頭先買貴左既濕紙巾﹗﹗﹗
無錯。我唔可以比我既"師奶仔"生涯。濛上呢D咁on居既污點~~~

話時話。我好少咁黑仔。通常我想要既野。係一定會到手既﹗﹗
入到第二間。我就知道我既"幸運小天使"仲係度~~

結果。我想買既尿片全部到手~~
仲有一千零一盒係頭先果間無既Pampers Baby Dry。個個都話好用~~
一向符碌既我。依然符碌。真係舒服晒~~~

weak7都好開心呀。因為佢影到一張好鐘意既相。。
開心到今日仲講緊~ 話要買呢架車。同個"仔"去公園玩~~

哇哈哈哈~~~~ 無人可以阻到我~~~~~