燒烤。Lake Chabot
琴日天氣晴朗。我地一班人去左燒野食。同埋撐艇仔~~ 
本身天聞台話會落雨。我地都無預備去。。
本身天聞台話會落雨。我地都無預備去。。
點知下午愈睇愈對路。好似好好天噃~
一於去左先算﹗落雨就走人~~ 
大肚婆第一次燒野食。有好多野都唔食得啦~~ 
腸仔啦。蠔啦。冰凍氣水。椰青啦。。
淨係燒左少少雞排。幾粒丸。磨菇。粟米呀咁。食飽左就算~~
唔能夠開懷大吃。真係無咩樂趣~~~ 
可能太耐無燒野食。腸胃唔係幾好 (又可以話係太好)。。
又可能係D野食燒得唔夠熟。唔知呢~~
燒完第一round。已經衝住去廁所。仲淪落到痾水~~
都未算慘。仲要我一入廁所。就有3個男人企向門口等。。
等咩?? 咪就係等D人出晒黎。佢地入去清潔囉~~
唉﹗﹗﹗ 真係去都去得唔安樂~~ 
一路痾。一路聽到佢地講 "仲有一個去緊呀﹗未出黎呀﹗﹗"
"係喇係喇。我知果個係我喇﹗﹗﹗
"
仲要佢地唔再比人入黎。點都要等埋我出去。清潔完先再入得﹗﹗﹗
攪到佢地後面又排左一條龍~~~~~ 
當我行返出去既時候。終於知道點解D人成日話"想揾窿捐"。。
"唔該。我要一個大既~~"
之後。都唔敢再燒喇。。
大家執好少少野。就行去租艇~~
最興奮莫過於見到一隻鴨媽媽。帶住五個小朋友~~ 好好好得意啊~~~ 
有一隻走得特別慢。又成日離隊。好彩後尾都跟到媽咪~~ 
走時已經 7點幾。返到屋企好累喇~~
仲有其他相在相簿啦~~
http://www.fotop.net/seven7/seven7222
Lake Chabot
就係最尾果個小朋友喇。又跣腳又剩。好鬼論盡~~
還有好多我們家的最新動態在FB專頁上唷！歡迎點Like加入大家庭! »
第時有了bb就不要食熱氣野ar~~咁對bb既skin唔好架 到佢青春期間會較多暗""倉"" 不要怪我多事
[版主回覆05/28/2008 03:28:00]哈哈~~ 知道知道~~~ 其實都無食太多呀。都係食下疏果類。。 都知唔係咁好。不過又想去玩下~~~
我都好鍾意燒嘢食架, 其實因為啲蜜糖
你呀….小心飲食啦, 粗身大細….仲去撐艇仔添
小心呀…….
[版主回覆05/28/2008 03:31:00]得無撐呀。我淨係坐咋~~~ 我都﹑鐘意燒野食。不過道係香港果種。 呢邊美式。即係煎野食。即使大家手執燒烤乂。 都係無果種感覺~~~ 無癮~~~~
個個都攬條女,左面0個pair….
[版主回覆05/28/2008 03:29:00]哈哈~~ 無錯~~~~
so happy. Sunny day, have BBQ. Perfect match!!
[版主回覆05/28/2008 03:32:00]係呀。十分開心既一日。班人好攪笑~~~
哈哈 真係要揾窿捐呢…好瘀咁..重要有成排人等你…
喂喂..你要小心飲食呀…唔好亂食野呢
[版主回覆05/28/2008 03:33:00]係呀。d鬼佬真係~~ 明知人地唔出黎。就應該放人入去先丫嘛~~ 有咩理由成班人等一個﹗﹗ 哈哈~~~ 勁尷~~~~
我家附近都有個燕巢^^~總共有5隻小燕子,兩星期喇,今日看得返兩隻….><其中一隻仲係我睇住佢fly走的…好掛住佢!!
我嘗試用傻瓜機影…但唔靚….你部係什麼機?
[版主回覆05/28/2008 03:34:00]我老公用canon 30D + 17/85mm。 我唔識架~ 哈哈~~ 喂。你應該睇下上面帶無燕窩。採左佢黎墩噃~~
鴨仔好好得意! 大肚婆食野要小心d啊!
[版主回覆05/28/2008 03:36:00]係呀。真係好可愛。一隻跟一隻~~ 最尾果隻又慢。又差d行左落水~~ 我知道呀~~ 會小心架喇~~ 果日都唔係咁敢食。。
小心身體 嚇死人咩 咁你同ｗｅａｋ ７都生夠５隻鴨仔ｌａｗ ｗｅａｋ ７ 個４萬笑容又出返黎
[版主回覆05/29/2008 03:40:00]哈哈。。生夠5隻?? 到時送隻比你呀下~~~~
你係咪同老公交換左件褸著? 你個件好大件, 你老公個件就好似唔啱著!
[版主回覆05/29/2008 03:41:00]你又係醒目噃~~ 係呀因為我果件無HOOD。老公怕我撐艇時吹親。 夾硬要人著佢果件垃圾袋~~~
又真係幾瘀下!
要小心飲食呀,你好似一向都好易肚痾!大肚婆真係唔好亂食野!
[版主回覆05/29/2008 03:44:00]哇~~ 你好鬼好記性呀﹗﹗ 我係呀。食左少少唔乾淨就即刻黎料架喇~~ 下次都會小心D~~~ 果日勁瘀呀。唉。個個望住我。我都係去個廁所啫~~~