幼稚的相處。。
琴日放學老公接左我。揾埋Jacky出左去食烏冬。都係果間啦。。
不過唔知係咪我同weak7既相處方式比較低B。。
Jacky經常面露"頂你唔順"既神色。。
不過唔知係咪我同weak7既相處方式比較低B。。
Jacky經常面露"頂你唔順"既神色。。
好似我同weak7好鐘意講無聊野。仲要係無聊到9唔搭8。。
大家一句接一句。愈講愈離譜。就會大笑一餐。。
可能Jacky唔係無聊人啦。所以好難理解我地既行為。。
我地平時除左鐘意亂up廿四。仲鐘意自創無聊歌詞。。
我一唱。weak7就笑到碌地。。
有咩係一定引到我笑呢。就係weak7吊高把聲扮何師奶。加埋D勁八婆聲氣
另外。我地仲有自己一套話。好多連我地自己都唔知點解。。
我地平時要黎自己溝通。又無咩問題噃~~ 因為我地都唔知自己講緊咩~~
基本上。我地呢段姻緣。都算係天作之合。。
否則。我地兩個應該一早比人的左入青山。。
我地就係咁幼稚既人。其實都幾好丫。開開心心又一DAY。。
還有好多我們家的最新動態在FB專頁上唷!歡迎點Like加入大家庭! »
大家合拍咁先可以相處長久,恭喜"哩"
[版主回覆04/07/2008 06:50:00]哈哈~~ 其實都幾係緣份。我將年前都諗緊自己會好遲婚。 會有自己好勁既事業~~ 而家?? 咩都係屋企行先了~~~
你考last subject 果日係我生日 我成日同男朋友都係咁架, 試過o係街玩到笑死,流晒眼淚 好鬼低b
[版主回覆04/07/2008 06:51:00]係呀。兩個人一齊最緊要開心﹗﹗﹗
兩個成日對住,邊得黎成日正經呢~~
癲癲腎腎咁過一日,都唔錯呀,開心就得啦~!
[版主回覆04/07/2008 06:51:00]係呀。我地會教埋第時小朋友一齊癲腎~~ 諗起都開心~~
好開心就真,我爹地同媽咪都好低能架!你個 wallpaper 好靚啊,點整架?
[版主回覆04/07/2008 06:54:00]哈~~ 咁你爸媽就岩同我地一齊玩喇~~ 我地 good friend呀~~ 哈哈~~~ 個wallpaper之前weak7有教呀。去"未分類"果度睇丫~~
每對 couple 都有唔同嘅相處方式,我同我老公都係瘋狂變態一族,無啦啦唱歌跳舞加角色扮演,有時又會互相攻擊對方嘅弱點,日子就係喺無無聊聊嘅歡笑聲中度過
[版主回覆04/07/2008 06:54:00]唔怪得我同你幾夾啦~~ 哈哈~~ 瘋狂既日子。真係過得快架~~~
我同Babu時時俾人話我哋有咗兩個仔都做咁幼稚. 其實我鍾意噉樣相處多D, 唔想好似人哋講嗰D咩"開頭三年就係愛情, 三年後就變親情". 咁以後點一齊生活啊, 好悶咖嘛. 所以你同weak7噉樣相處, 米咁sweet sweet lor.
[版主回覆04/07/2008 07:04:00]其實相處好睇對方係點既性格。個個都唔同。。 3年果d係借口黎架啫~~ 老左都可以好恩愛。攬攬錫錫架啫~ 太執著既人。唔岩我。。
嘩! 好犀利好詳盡! 但對我媽咪黎講有 d 高難度, 都係得閒 d 再學! Thank you!
[版主回覆04/08/2008 08:01:00]唔。你係咪搭錯線。。?? 點解我唔明既???
你兩個生出嚟(無聊)仔, 第時返乎同人溝通到嗎??
唔使驚!叫佢過嚟同autie eunice玩啦~我絕對明白
我成日自創歌詞同曲,唱催眠曲比阿仔聽,暗佢訓 因為同一首唱嚟唱去好鬼悶啦...
我會唱:”乖豬仔~覺覺豬~~覺豬豬~好乖豬~乖豬乖豬覺覺豬~覺豬仔~媽咪錫~錫哂豬~豬仔媽咪錫錫錫...........”
吖!!我個仔又好似好中意咁噃 ~~
仲有,我成日用do,re,me,fa,so,la,ti自由堆砌嚟唱.仲會係佢腳趾上彈(琴)住唱.腳趾公係do.......
吖~~我太耐冇嚟你度喇!見到你,實在停唔到
[版主回覆04/08/2008 08:06:00]你實在係天生既音樂家啦~~~ 阿仔第時一係做朗郎。一係做李雲迪呀~~ 你隻乖豬歌。都幾有~~新~~意~~~ 架喎﹗﹗
係:生出嚟嘅仔 & 返學
悠悠講緊你個wallpaper呀, 係我先明我亞姨講嘜
[版主回覆04/08/2008 11:38:00]哦。因為係weak7整架。所以我 get唔到啦~~ 哈~~~