自湊第五天。整損
雖然weak7響香港。但回港前。我地已經食左芒果脆脆冰皮月餅當做節~
聽晚媽咪同阿哥都會黎食飯。團圓一下~
講返今日。9 月21日。第五日喇~
同琴日調換。呔仔早起過細佬。10點左右。。
諗住同呔出廳先。點知未開門。細佬就醒喇。仲喪笑。。
哥哥呢排好西。細佬幫手食唐餐。。
比細佬識下呢隻杯。咬咬下。又見佢啜到少少噃~
一齊玩。。
哥哥好鐘意個燈籠呢~
新C坑。呢兩日都拎住玩。。
咩事呀你兩個~??
4點。呔仔午睡中。。
呢個造型好面善~~
細細"宮女" ? 差咁個熊貓頭KU噃~~
哥哥玩玩具。細細留心睇。。
嘟麵。。
Samantha EE 買來外賣。。
食完soba食蘋果。。
細佬好笑。。
臭左兩日"米氣"。力大無窮~﹗﹗
用晒力。差電中~~
由於呔仔呢排高得快。可以摸到爐頭位。。
我地就開始唔比佢入廚房。特別是煮緊野時。。
頭先佢又跟左入去。渣住盒提子要我開。。
我話要分開一半先可以食。唔係會啃親。佢唔制。見我拎左就大嗌一聲。。
我話左佢兩句。佢就喊。。
我要佢坐在凳上。諗下自己咁樣岩唔岩。轉身我就chit提子佢食。。
唔夠兩秒。呯一聲。已經仆左落地喊。。
呢種喊聲。係整親既喊聲。。
我心知不妙。即刻抱起佢睇下佢。原來仆損左下唇。流緊少少血。。
當時好冷靜。止血。敷冰。一邊教佢。又問佢痛唔痛。。
好彩只係損左少少。牙仔牙肉都無事。。
盡量將件事平常化。因為我知我愈大反應愈緊張。就會嚇親佢。。
其實佢只係喊左半分鐘左右。就開始玩個冰樽。。
我問左佢話唔痛。就同佢出廳。。
再走入廚房時。我先至開始喊~~
點解會咁大意背住佢。點解擺佢上張凳架~?? 唉~~~ 心痛到~~~~
真係好彩只係整損左少少。不過當時我個心都跳埋出黎喇~~
冰樽 + 紙巾
出事現場。。
下唇損左。。
平時點撞都唔喊。而家咁都話唔痛。真係堅有"百厭底"~﹗﹗
用青象子個鼻黎撩我個鼻。。
上床。一個睇短片一個睇書。。
發現臨睡前。細佬真係咩都笑一餐~﹗﹗
唔通咁樣會發甜夢?﹗
呢個pose幾型。。
細佬見到電腦。好瘋狂。。
比哥哥強行拖走。。
打比weak7話佢知咁咁咁。。
都有話我咁大意。點會咁樣架? 但知我唔開心。都無點再講。。
之後又再打黎。話怕我會 "唔開心咁訓覺"。又安慰我。。
我無事喇。個仔無事我就無事架喇。。
我會再小心d。再再小心d。再再再小心d啦~~