自湊第四天。渣車
上兩星期上網訂左張twin over full 既 bunk bed。比呔仔細佬第時用。。
因為佢地間房比較細。擺兩張單人床就無咩位剩。。
咁岩房張單人床比我媽咪。所以把心一橫。就買定張上下格。。
就算有人黎探訪都有得訓丫~
今朝10點半。細佬起左身。。
哥哥就訓到11點。。
一起身就玩玩具。呢兩日好鐘意呢個食麥當當送既american idol公仔。。
一出廳。排排坐。。
細細電視迷。。
老公飛前。響車房預左位擺貨。。
schedule左今日11-3到貨。。
都好準時。11點半左右就到。只係我唔記得左。。
佢地又訓得晏。我牙都未刷。仲要開開下大。就趕住應門喇 -____-""
拿拿聲叫呔仔唔好出黎車房。不過佢見環境安全。無幾耐都出左黎8。。
開左車房門。送貨叔叔要求我駛開drive way部車比佢推貨入去。。
o下??? 渣車~~~~?
6年喇~﹗﹗我等左呢個機會6年喇~~~﹗﹗﹗(在下係6年無渣過車)
我終於要出手喇~~~
其實只係back up部車過對面屋。再隊返上drive-way啫~~
呔仔好乖。媽媽叫響車房入面等。完全無行過出黎。。
只響入面攪攪震。同埋好大聲咁嗌過黎 "媽媽~~媽媽~~~"
勁 bu~~
(我執相先發現。呔仔自己著錯鞋。。
)
送貨叔叔勁鐘意同呔仔玩。即刻李小龍上身。。
呔仔用棍擋。堅擋~﹗﹗
響外面影入屋。細佬乖乖。。
攪掂後。呔仔用廁所刷清潔車呔。。
回復正常。。
呔仔食野專登倒瀉。被媽媽責備後….
無幾耐。婆婆又黎了。仲買左燈籠比呔仔玩。。
又無幾耐。玲E 同嘉嘉姐姐都黎左探望。。
仲買左雪糕黎呀~ 感動~~
玩完一輪。走晒後。都5點幾。呔仔食左D野。就訓著了。。
眼訓樣。好姣。。
轉頭細細都訓埋。。
7點幾。又到阿Bee同Cathy黎。幫我地買左燒雞同濕紙。。
坐到9點先走。。
10點左右。睇陣短片。就沖涼了。。
上床。呔仔竟然自己用紗巾撩耳仔。第一次呀~﹗﹗﹗
兩隻樹熊攬住棵樹。。
膊頭好痛。眼訓到暈….暈左~~~~~X___X""