weak7: 我的爺爺
之後滿月就返爺爺嫲嫲屋企住,
家中有爺爺,嫲嫲,姑姐,爸爸,媽媽,我
美東村(城寨對面)就係我既落腳地
初時爺爺仲有返工,
嫲嫲負責照顧我
幾年後
嫲嫲既肝臟有事
身體開始差, 唔能夠再勞碌
房有兩張碌架床
爺爺,嫲嫲,姑姐,我
記得有一晚
親戚黎左我地屋企
個時嫲嫲身體已經好差
成日只可以訓o係床上
大家係出面開心有講有笑
入到房…無開燈….有少少外面既光
見到嫲嫲好慢好慢甘
要就住身體既痛
o係床上轉身
我行埋去嫲嫲身邊
見到佢偷偷流眼淚
最後嫲嫲要入醫院做手術,化療
1989年……好辛苦地離開我地
嫲嫲走左…..爺爺剛剛退休, 接手照顧我
我係爺爺第一個男內孫,
到而家姑媽姑姐都成日話佢大細超錫晒我,
同我講:
"咩咩何均屎乜乜何均屎, 淨係記得你架咋"
(何均屎係佢地稱呼我既名)
我一歲家中生日會
小學期間, 爺爺日日接送
由美東行去華德, 唔洗15分鐘
幫我"咩"書包….
叫我唔好跑樓梯…..
唔好跑上斜路因為有青苔….
唔好依樣個樣….
以前當然會覺得好煩
大個左而家諗返我以前都好頑皮
有一次落好大雨,
雖然短短15分鐘既路程
爺爺"咩"住我同個書包,
個日有體育堂
所以仲要手執住我對白飯魚
去到門口放低我先幫我著鞋
印象中, 爺爺一次都無打過我
淨係有一次佢好嬲甘扔走我睇緊既"兒童周刊"
小學六年級既一半,
我同爸爸媽媽移民去美國
當時我地無能力每年飛一次返去探親
要好幾年先一次, 仲唔係一家三口
唯有傾電話了解近況
爺爺十幾年前過黎玩過, 睇下我地既生活
個時我係人生最曳既時期
乜都唔聽又反叛
攪到爺爺日日擔心
久唔久我媽又爆下料話我又衰乜
每次知道我做錯曳左…
爺爺就會寫信比我訓話,
寫好多忠告既咭
"我知道你對媽咪既事之後兩晚都睡不著,
因為由出世之後一直由爺爺嫲嫲湊大你,
直到去美國為止……………………..,
…….我內心好難過
希望你以後要改過好好地聽爹o地及媽咪話,
唔好令爺爺失望, 這封信係我在香港時間半夜三點鐘所寫的"
1999年
之後我慢慢開始"乖",
無再甘多曳野發生
讀唔到書
開始出黎做野
早幾年, 考到份工…….
總算令爺爺安心
識到Kelly……
有一年Kelly同外母返香港玩…
個次係佢地第一次見面
(第一次見面竟然無我再場, 哈)
2008 – 同Kelly返香港玩
擺左餐結婚酒
我超級抗拒搞大龍鳳
(9圍檯我已經覺得好大壇野)
做馬抽大獎比爺爺
(爺爺既大獎只不過係我地既婚紗相, 反而"細獎"係西餅coupon)
返美國之前, 機場.
2009 – 威水啦 !!! 個孫仔帶粒"虱"返黎見 "太爺爺"
我地仲有拍低呔仔同太爺爺第一次見面既video呀~
爺爺好好笑, 起初叫我地唔好再寫blog
唔想甘多人知道d家事
仲話:
"唔好放我d相上blog呀, 一陣香港有人認得我就麻煩呀"
我地好有面, 爺爺要求我地合照
09'個 trip……呔仔'tum'得太爺爺好歡喜
仲能夠享"四代同堂"既moment
太爺爺自稱自己係 "mit 鼻哥超人"
同埋又講:
" 'mit 腳王' 黎喇 ….!"
臨走@機場
返美國個日, 大家最唔捨得既一日
亦都係………..我地同爺爺最後一次相聚………….
星期五,
我地一家四口去左朋友家玩,
夜晚收到電話,
爺爺病情變差轉…
叫我地幫爸爸準備機票返去
(個幾禮拜前, 收到香港打黎電話……
爺爺感冒入左醫院
要留院
同時要綁住全身因為驚佢偷走
點知之後嚴重變流感入肺)
我同kelly未接受到突然既消息之際…..
再收到電話
"爺爺……走左………………."
當時我地唔想流眼淚唔敢喊
怕影響朋友
之後走既途中,
忽然好好好掛住爺爺
一路渣車一路流眼淚
本來以為普通輕微感冒好快無事,
出院返屋企叫表弟開電腦比爺爺追blog
爺爺 …..
你要好好同嫲嫲開開心心一齊
講番晒嫲嫲o甘多年黎miss左既野
你放心, 我而家好生性…….
我返工唔會同人嘈交…..渣車唔會亂黎…….對父母有禮貌
更加會照顧kelly…….好好湊大兩粒"虱"
我知道你無憾地活到你既最後一日
應承我……..你永遠都要好似依張相甘
一臉滿足同嫲嫲睇住我地成長…….
不過…..我知道你係好舒服甘走
爺爺叻叻 !!!
我知我要時間去集慣以後既禮拜一唔會再聽到你打黎既電話……..
但唔緊要, 我地全部會乖, 唔好掛心.
爺爺….
I LOVE YOU , I really do!!!
如果你見到我喊, 唔好笑我醜屎怪