拜拜啦濕疹。。
好返7-8成。d皮膚仲愈來愈白滑。眼仔。又大返喇~﹗﹗
呢個情況。以前響食完口服藥後會出現。。
但今次。係自然地康復。我有預感。今次會係斷尾~~~
寫呢篇卜。好想喊。。
有suffer過"嚴重濕疹"既人/爸爸媽媽。就會明白我既感受。。
四個幾月喇。我每日同細佬並肩作戰。。
曾經好怕訓覺。好怕夜晚。。
因為一到夜晚。濕疹會特別痕。。
細佬會典來典去。好似鬼上身咁。不斷掙扎。。
好多個晚上。我大大力按住佢雙手。幾乎扭斷咁滯。。
見到佢咁樣。個心好痛。。
扭足兩個鐘。筋皮力盡。出晒汗訓著。。
然後全晚抱住訓。每一個鐘喊醒一次。要抱要食奶先可以安撫到佢。。
有時痕得利害。全身出晒水。腳都爛了。。
又典過。凌晨4點抱到5點都訓唔返。。
藥膏擦得多又怕。唔擦又唔得。。
不過都擦到開始起抗藥性。再擦都無咩用喇。。
幾個月以來。每朝起身。我地兩個好似無訓過一樣。。
下午無咁痕。抱住細佬。佢就會訓返夠本。。
睇住佢訓得好淋既樣。已經係我最快樂既時候。。
試過細佬又發癲。癲完一輪訓著。。
我忍唔住喊。老公在床邊支持我。開解我。。
同我講。細佬咁辛苦都成日笑。一樣咁開心。我都唔可以放棄呀~﹗﹗
試過半夜細佬發癲。我眼訓到暈低咁滯。好大力打佢手臂。。
佢喊。我即刻回魂。猛咁呵返細佬。。
總之要24小時抱住佢。一放低佢。即刻R到出血。。
按住佢。佢就會不停用個身捽。好人跳扭腰舞咁。。
好多次老公放工返黎。我第一句說話就係 : 好肚餓呀。整野比我食好嘛?
湊兩個唔係難事。但湊濕疹仔。真係會癲。。
每每細佬有好轉。我心情都好大起伏。。
希望後又失望。。
濕疹。影響住細佬既日常活動。身心發展。。
夠期轉身。又轉唔到。一放落地。又掛得R頭。一唔係就捽眼捽面。。
唯一一樣野我覺得係值得高慶既。。
就係過去呢段日子。我由唔需要點理細佬。變成每日每刻都抱住佢。。
變相細佬感受多左好多愛。係一件好好既事呀~﹗﹗
再辛苦都過去了。又係充滿歡樂既日子啦~~
登登登凳~﹗白滑細佬登場~
咬咬咬。呢個星期。見野就擺入口。。
細佬 : "爸爸媽媽。多謝你地響我最辛苦時照顧我。我覺得好幸福呀~ "
細佬大個左好多呀又。。
眼睫毛又長又翹。。
哈哈哈~~ 碌地地好好玩呀~~~
好白好滑呀~﹗媽媽滿心歡喜~~
"你好圓呀細佬 "
其實細佬係雙眼皮架~ 爸爸都係。不過唔係好明顯。。
今日摸到細佬出左一隻牙仔呀﹗
右邊下門牙。半粒米咁。尖尖地。好得意呀~﹗﹗
經過幾個月不斷嘗試對抗細佬既方法。。
失敗過好多次。。
好多人用金銀花等中藥沖涼。細佬一沖就發。試過幾次都係咁。放棄。。
用沐浴油一樣。用完仲痕。。
擦好幾隻cream都一樣。擦左仲衰。。
媽媽真係好灰心。。
所有人地用過work既野。我都帶住希望幫細佬試。又不斷失望。。
到最後。咩都唔敢再試。。
只用清水沖涼。發炎就擦藥膏。乾就擦凡士林。回到最簡單既方法。。
好返幾日。又發到豬頭一樣。。
之前都有卜友留過言用芫茜煲水幫BB沖涼。沖左個幾月都好返9成。。
weak7就話不如試下。芫茜都係天然野。一棵菜黎啫~
奶奶亦有朋友比呢個提議。。
好~﹗又試一試啦~﹗﹗
星期一晚。第一次用。當日下午仲發緊。當晚沖涼開始退。。
之後幾晚都有浸浴。效果出奇地顯著~﹗﹗
幾日來。全身。面。手腳既濕疹謝左7-8成。亦無返發 (之前從未試過)。。
細佬皮膚愈來愈好。係健康既皮膚。同哥哥一樣 (我望呢日望左好耐了)。。
希望一直用。會慢慢斷尾啦~~
就係呢煲野。打敗可惡既濕疹~﹗﹗
細佬終於揾到一個適合佢既方法啦﹗ yeah yeah yeah~~~
今日下午。。
我會用花灑幫細佬沖沖水先。再浸芫茜浴。。
沖涼好拍檔。。
而家細佬搣人好大力架﹗搣自己都唔手軟~﹗
勁玩花灑。。
奸仔~﹗﹗
媽媽就位幾準。細佬唔使走光~~
鬥
扯大纜~??
浸浸下可以反晒身。轉晒位。。
想點先??
爬去邊呀你~~??
哦~ 原來睇中呢樣野。。
邊夠手長呀。跌你落去喇~~~
上左水。又望咩呢??
細佬。已經進入咩都抓一餐既年紀喇。。
真係見咩攪咩。。
係囉。坐定定吹頭喇~~
著完衫。鈕都未啪好。已經呼呼入睡喇~
好耐無試過自己訓覺喇。實在太好了~~
最後想講既係。除左呢個禮拜開始用芫茜水沖涼。。
其實呢個月頭。我開始每晚同細佬念"大悲咒"。。
http://hk.video.yahoo.com/video/video.html?id=966158
每次念完。細佬都訓得比較好。。
(衰婆禧媽暗示係我響度 "依依um um" 。哦到細佬頂唔順訓著 )
半夜都有醒。但無發癲。好好架喇。。(要求愈來愈低)
咁岩星期一下午。我地又帶左細佬去拜黃大仙爺爺。觀音娘娘。。
就由果日開始。細佬漸漸康復了~~