Hey Hey, 禧禧 !!!
口水禧日記
禧爸禧媽好錫個仔。但又唔會縱。好多時睇佢地寫野。我從中學習。。
禧禧大呔仔差不多兩歲。有得跟有得問。我條"湊仔路"易行好多~﹗
約在一個月前第一次同禧媽通電話。估唔到啄唔斷。。
香港人在三藩市嘛。。
大家未有細路前。原來都鐘意拍拖食富國牛肉粉。。
去j-town睇書食crepe掃零食。。
哇哈哈~ 幾鬼橋~~
講講下。話不如揾個weekend去飯堂。。
適逢禧禧要返summer camp。上星期呔仔又作病。。
等左幾個禮拜。終於見面啦~~
實在太好啦~﹗呔仔終於有哥哥啦。佢未試過有哥哥架~ 哈~~~
細佬到埗。好開心。。
呔仔大頭狗。。
禧哥哥等緊我地啦。一見到就同我say Hello~! 好有禮貌~
帶埋佢d 愛車同行。仲分比呔仔玩添呀~﹗
成日問點解。。
"點解呔仔用手食既? 點解唔用匙更??"
好鬼過癮。。
買左份禮物比禧禧。請盡情發揮創意。。
原來係禧禧第一份奇樂膠。。
呔仔見到哥哥好開心呢~﹗
好合作咁玩人地d車車。仲叫禧禧做 "哥哥"~
口水禧一家。。
"禧禧呢招。係咪螳螂拳??"
人車合一。。
飯後。我地竟然轉場響隔離條行巷坐。邊坐邊傾睇佢地玩。。
三個細路仔。。
呔仔接手禧禧哥哥既單車仔~﹗yeah~ 呔仔都有單車啦~
第一次被推 & 第一次推人。禧禧好緊張。呔仔仲要指東指西。。
"哥哥呀~﹗轉返去後面丫唔該~"
"唔得架﹗唔可以轉彎架。。" (真實對白)
哥哥一路推。推左好耐~
"你就爽啦呔仔。。"
"媽媽。哥哥推我好好玩呀~~~"
無細佬份玩。食食下手訓埋。。
真係推左大半個鐘都有。。
終於落車。。
呔仔好奇。成日睇哥哥攪緊咩。。
又跑黎跑去。好開心。。
禧爸做咩一直攬住盒玩具~??
yeah~~~~
幫手擦地。。
好嬌俏噃~﹗
呔仔全程車不離手。渣住四圍玩。。
我地霸左人地成條巷。。
(趁哥哥擦地。呔仔又去吼住人地個袋入面d車 )
又拎左新野。仲一手兩架。。
禧媽幫手噯噯細佬。。
呔仔哥哥變成呔仔弟弟。。
禧禧好高大呀~﹗
臨走同哥哥影張相先~~
"咩事呀哥哥?? 咪咁啦~
一陣細佬醒左見到我攬住第個唔得架~~"
"喂。比下面好噃細路~﹗係媽媽叫我攬你架~﹗"
"攬還攬。做咩摸人個頭唧??"
"跣手咋嘛。你個頭咁圓梗會sir黎sir去架啦~﹗"
"哇哈哈~~ 我cam住你。等你無得走~~﹗﹗"
"你點話點