修身秘方。。
修晒身。我當然開心。但如果可以。我都唔想"瘦"得咁快。。
睇返月曆。生完呔仔。個半月後已經回落117磅 (就生147 /未陀110)
唔使3個月。已經修晒身。仲無晒肚腩。。
原因好簡單。比佢折磨。瘋狂餵奶+極度唔夠訓。。
細佬好錫我呀。一直都訓得好好 (直至濕疹出現。。)
雖然湊兩件。但食好訓好。安安樂樂。。
2個半月上磅。119磅。仲有大肚腩。以為第二胎修唔到身架喇。。
點知4個半月(上星期磅)。110磅呀~
不過仲有小小肚腩。話晒陀過兩件。一定要做運動先會實返~~
有因必有果。。
我相信係細佬唔想我肥。所以幫我一把。。
自上個月起。細佬因濕疹發攪到個零鐘起一次身。仲食奶。又抱訓。。
比佢發現左 ""原來咁訓係咁爽架﹗﹗""
此後。每晚如是。。
多數第一覺訓到3點。之後開始個零鐘醒一次。抱住啜奶又訓返。。
責到我抖唔到氣咁滯。一擺低即喊。。
明明扯緊鼻軒都知架噃﹗神奇~﹗﹗
其實我係好想抱住佢訓。見佢訓到流晒口水。確係好可愛又心甜~~
可惜條腰唔掂。第朝起身勁痛。。
不過我認輸喇。情願腰痛手痺。好過擺低佢幾廿次。同無訓過差不多。。
條友仔最頂癮。。
就係朝早好鐘意嘈醒左我同呔仔。呔仔拉我出廳後。佢自己響房大覺訓~﹗﹗﹗
比佢咁玩法都算喇。抱就抱啦。最緊要有得訓。否則第二日真係會暈。。
日頭就到呔仔喇。。
近排可能出大牙。成日無心機食野。。
仲衰到唔肯上high-chair。要我捉雞仔咁餵佢﹗﹗
最唔鐘意咁樣。但佢落地一路玩又肯食。。
做阿媽既。又點可以唔妥協呢。唉~~
做過呢個位既。就知咩叫 "食得一啖得一啖"架喇~~
食左落肚。就係佢既營養。會肥會健康。最緊要係咁啫。。
加上呔仔午睡。兩覺夾埋一 覺訓。。
一起身就要我陪玩。細佬又開始要抱要玩。。
我全日都比呔仔拖住行來行去。一唔係就整佢既飲食。。
得閒就抱下細佬玩。真係無咩空閒時間。莫講話抖。。
細佬就快5個月大啦。我成日都同自己講。。
始終佢會好似哥哥咁自己訓。唔使我抱。。
呔仔始終肯自己食飯。唔使我餵。。
其實只係時間問題。兩隻仔。始終會長大會獨立。。
就響未會之前。盡量享受媽媽既貼身服務啦~~
至於我。比佢地折磨。咪當減肥囉~
""仔呀仔。真係唔該晒你地喇~﹗﹗"