呔仔歲半。細佬3個月大

呔仔歲半啦~~﹗﹗﹗
歲半。實在太勁喇…我覺得~~~

呔仔。基本上係一個小朋友喇。。
好多攪笑既行為。每日都學識少少野。。

已經將好多物件同自己"串連"。。
例如 :  拎住個風筒。把梳。會放響頭上面。。
                           拎住任何膏膏。都即刻要黎擦面面。擦肚肚。。
          幫媽媽拎奶pad。會直接貼響媽媽心口。。
一開盒工具箱玩具。佢即刻拎左個士巴拿去dup條滑梯粒大螺絲。。
 (真係估佢唔到﹗﹗)
其實佢暗裡已經睇左好多野。只係未有機會做。。

最攪笑係。自己有自己一套扭入廚房 / 車房既方式。。
首先會拖我隻手去果個地方。然後擺我隻手過去。再手指指。篤篤篤。。
之後就自己up頭。然後就笑 (出聲)。跟住望下我。。
如果我擰頭。佢就會扭計詐喊。然後又再up頭。又再笑。。
如果我踎低。佢就會叫 "ma ma"。錫我。。

我全程無出過聲。佢已經做晒連串反應。真係比佢笑ccccc    

呔仔有好多奇怪行為。超級攪笑。。
婆婆 或 其他不常見既朋友黎探佢。一入屋。佢首先會自轉幾圈以示歡迎。。
(通常轉到暈。會Lui低 -__-")
跟住就會好開心咁拎玩具同人玩 (叫人同佢玩)。。

前幾日我睇返細佬打針。細佬叫左一聲就無事。我就話: 細佬好堅強呀﹗
呔仔即刻跟我講  "堅強﹗"
講得好正架噃~ 幾攪笑~~~

我叫呔仔叫細佬 "細細"。佢就話 "計計"。。
叫自己"呔仔"。佢就話 "雞仔"。。

最鐘意睇Barney既 The Land of Make Believe 。睇極都唔厭。。
睇到我識背咁滯。不過又幾好睇既。唱唱跳跳~~ 哈~~~
睇DVD。開始會跟住入面既小朋友跳。左搖右擺。。

食野方面無變。一樣3奶2正餐。小食等。。
下午我多數整芝士雜菜薯蓉。佢鐘意到不得了呢~~
牙仔一向有8隻。上4下4。近日多左2隻。係上4兩旁。。
唔係應該出大牙先咩? 一隻都未有噃~~

*                                 *                                  *

細佬都3個幾月喇。時間過得真係快。。

呢個又係開心仔。開心過呔仔細時好多呀~~﹗
一有人行埋去。都未開始同佢講野。已經笑到眼牙唔見眼。。
再同佢傾一傾就不得了啦。嘰嘰呱呱。嘈到拆天呀~~
如果用公仔同佢玩。BEEP BEEP聲。佢會雙眼發光。手舞足蹈呀~~﹗﹗
真係個超級爛玩仔~~~~

好好彩細佬好易湊。自己玩手食手。都可以玩一個下午。。
琴日開始識扭人陪佢。同佢玩玩下我一行開。佢就大嗌喇。。
唔比走。要玩呀~﹗哈~~~~
可憐細佬。好多時我都係臨訓先得閒同佢耐心玩一輪。希望佢發個甜夢啦~~
日頭要湊呔仔。真係好少時間抱佢。。
遲下等細佬識坐識行。就好玩好多架喇~~

細佬夜奶一時時。近排又係零晨4點半一餐。。
琴晚又一覺訓天光。。
天寒地凍。我都唔專登同佢戒埋果餐。。
佢想食就食。訓訓下有啖奶暖下肚真係幾爽架噃~﹗

細佬濕疹又嚴重返。今次唔係塊面。係手腳同身。。
時好時壞。都有試過用金銀花沖涼。都係咁上下。。
無爛都唔再睇醫生喇。食藥都無用。唯有等佢自己好喇。。

細佬已經訓到後尾枕有光環啦~~
同埋訓到個頭扁晒啦~ 哈~~~
唔怪得之D人話頭扁。細個係好乖。成日訓。唔使抱呀~~
呔仔?? 個頭型不知幾靚啦。。
果時我呔不離手的。時時刻刻都抱住佢。。

"細佬呀細佬。你個扁頭頭。會令媽媽記得你係好乖BB呀~﹗"

兩個都要快高長大。健健康康呀~﹗爸爸媽媽錫晒~~~