呔仔17個月。細佬2個月
之前聽人講。話BB到歲半就會突然講好多野。。
又真係噃。。
呔仔開始成日講野。亂講。有時幾個音拼埋。好攪笑呀~~
岩岩呢個月。呔仔又學識左好多野呀~
天天小進步。好令人興奮~
首先要講下呔仔對細佬點。似乎好鐘意佢之餘。又好唔妥佢。。
我又懷疑佢係唔妥我。哈~~~
每次我開口叫佢口 "你….細佬啦~"
佢梗係唔制既。走都唔走過去。。
但無人叫佢呢。佢就成日走去錫佢。比被佢com。拎野比佢。摸下佢。。
通常同呔仔玩緊。細佬嗌。我都唔會過去住。唔想呔仔見到我咁緊張細佬。。
會呷醋架嘛~ 哈~~
上次細佬嗌。我試下佢。話 "媽媽唔揾細佬喇。你去睇下佢咩事啦~~"
佢即刻緊晒張。拿拿聲跑入房揾細佬~~
哦~~ 原來我唔可以錫細佬架。淨係呔仔可以錫細佬架咋。。
我就只可以錫呔仔。。
呔仔自從做左 "好幫手"之後。真係好幫得手。。
成日幫我地攞野。好使好用。。
我幫細佬換片。佢又會比濕紙我。上次仲伸手去幫細佬擦pat pat呀~
又幫佢戴帽帽。著襪襪。。
呔仔今個月識得跳呀﹗ 不過唔係雙腳離地。哈~ 係趷高腳 (佢以為係跳)
鐘意一路狂dum地。一路嗌 "yeh yeh yeh yeh~~ "
無啦啦識同爸爸 jam歌。爸爸唱。佢會出聲接。。
想要野會叫 "ma ma ma ma.." 以前就只會大嗌一聲。。
飲食方面一直都係差不多。。
我比多左野佢試。會整蔬菜 + 生果 汁比佢。佢都好鐘意飲。。
一隻大牙都未出到。流超多口水。。
細佬2個月大啦~~
琴日上磅。登凳~~~ 14磅10
月頭開始笑。出聲撩人傾計。月中開始識玩口水。。
前幾日。開始食手啦~~
明顯醒既時間多左。好多呔仔醒左個零鐘。細佬都會醒。。
之後就成個下午訓下醒下。。
到晏少少就昏睡。。
通常訓到8-9點爸爸幫沖涼。就會醒到11點左右。食飽奶再訓夜晚果覺。。
半夜通常4點醒一次食奶。食飽又訓過。之後係7-8點喇。。
咁又一個晚上。。
月中幫細佬轉左3號片。1號成日漏屎上腰。。
同呔仔果時差不多。不過似乎細佬仲大隻。個身好長。。
3個月既夾衣緊緊地喇。開始著6個月既夾衣。。
回到 3月23日
兩個百無聊賴既小子。。
"細佬。係你塊面黎架? 我以為係個波所以渣落去。。"
"媽媽。我又係唔小心架咋。。"
"哥哥真係….。都唔知真定假。。"
"哥哥你渣住 d 咩? 唔好又質比我噃。。"
"成日擘大個口都唔係好著數。。"
"吃~~~~~嚏~~~~~~"
"唔使驚。哥哥攞紙紙幫你擦鼻鼻。。"
又搶機。。
午睡中。呢個咩"po屎??" -___-""
訓醒。聽 "Outdoors"。請 Jason Mraz 食星星餅。。
未夠歲半。學人上網﹗﹗
細佬霸地盤。。