Feb-28-2010。細佬仔

每朝6點半我轉左床。抱埋細佬去陪呔仔訓。9點左右。呔仔起身。。
首先會錫媽媽。多數錫幾啖咁啦~
之後就會揾細佬。一見到佢。就會大笑一聲。爬過去錫佢。。
錫完再揮手say Hi (定 Bye??) 。就會拖我落床。出廳沖奶奶比佢~~
我每朝見到咁樣。真係覺得好溫馨呢~~

之後細佬多數會訓到中午。醒左我抱佢出廳。呔仔又會去錫佢~~
一見到就錫。哈哈~~~
開始攪下佢。請野佢食。比水佢飲。。
有時又會掟d 玩具比佢玩。。

 有時會撩佢隻眼。撩佢個口。所以我都要睇住佢地。。

真係希望細佬快高長大~﹗可以同哥哥一齊玩。諗起都開心呀~~~

呔仔學多左好多古靈精怪野。又開始跟電視d人做動作。。
識得驚。有隻BB VCD唱歌既。到最後有首歌個MV好恐怖。。
黑mi蚊。講個媽媽暗BB訓覺。一個個黑白樣既BB浮出黎。。
呔仔睇到。大喊揾媽媽呀。嚇到我唔知咩事~~ -____-""

而細佬開始識傾計。出聲 Un-Ku… 。又會笑住腳撐撐。。
琴日仲開始bu口水添呀~~

講開細佬。除左肥面之外。手腳都一截截啦~~
同呔仔細個有得揮呀~~
而家除左日頭不定時食奶。夜晚就4-5個鐘。真係好好呀﹗﹗
過左兩個月非人生活。終於可以訓多少少。。
十分期待細佬戒夜奶。就可以攬住呔仔一齊大覺訓~
( 老公。打完齋啦。到時你又可以獨守空房啦~~ )

上篇卜收到大家話我修左身既留言。多謝晒先~﹗
係呀。個樣同岩岩生完細佬時。真係好似整左容咁呀。。
對眼大左。個鼻尖左。塊面削左。。
係可以著返之前d褲喇。不過仲有個肚腩。未瘦返晒呀~~
weak7都話今次好似瘦得快過生完呔仔果時。。
(你睇我老公幾識講大話~ )

你地問我有咩辦法。其實我都無做過D咩。。
埋身餵人奶收身好快架~﹗對BB又好~﹗﹗
不過就要好堅持囉。我又唔覺得好辛苦。反而好方便就真。。
佢食緊奶個樣同埋發出D BB抖氣聲真係好sweet架。勁lum。。

回到 2月28。。