"全"家橙 & 困呔
9月2號。呔仔10個月大既全家福~~ 
影完之後。weak7問我。係咪唔應該全家著橙色??
哈~~ 你果件橙紅。ok啦~~
兩日前。開始"困呔"行動~~
其實呔仔BB床一直無裝一邊欄。方便我餵奶。同埋佢碌過黎~~
久而久之。呔仔習慣左。半夜撲過黎。分我半邊枕頭
朝早訓醒。100%唔會響佢張床上。。
佢老豆一早比佢逼左過隔離房啦~~ 勁爽啦﹗
之前星期六日都會過黎一齊訓。而家。直情無左影~~
不過。我地想呔仔開始自己訓床仔。。
因為遲下細佬出世。呔仔就要跟爸爸訓。以免細佬半夜嘈醒呔仔。。
""又要隔開我同個仔 -____-"" 我內心係有咁既感覺
但如果唔係咁。又有咩方法呢??
起碼要等細佬戒左夜奶。先可以接返呔仔入黎~~
否則到時個零鐘餵奶。又要換片。點都會嘈醒呔仔
被困第一晚。。
呔仔最鐘意磨牙。所以買左條透明膠套落去。。
又買左個新bumper。等佢唔好撞頭。。
裝左欄兩晚。兩晚都失敗。。
呔仔半夜起身。發現欄住。無得碌過黎。開始想喊。。
個樣好可憐。係最可憐呀~~
真係唔忍心咁對佢 (而我自己亦好眼訓 -__-")
唯有抱佢過黎。一攬。即刻訓返
第二朝weak7入黎。仍然係見到我地攬埋一舊
困呔行動。仍需努力~~~
左右掃…… . .
還有好多我們家的最新動態在FB專頁上唷！歡迎點Like加入大家庭! »