告別媽媽奶。。
9個月喇。呔仔食左媽媽奶9個月。仲要一直係埋身餵。。
呢種貼心既感覺。實在太sweet。無野可以代替
特別是近兩個月。呔仔識聽我地講野。。
每次我話 : "呔仔。食奶奶喇。過黎媽媽度啦~~"
佢就會笑住爬過黎。仲係極速果隻~~
有時半夜訓訓下。又會碌過黎。食我件衫。。
真係好過癮呢~~
一直諗住。可以餵到 1 歲。就轉飲全脂牛奶。。
不過。基於太多原因。。
前兩日。第一次試 o下 開奶粉比佢飲。。
由於一直埋身餵。唔知佢食幾多。。
聽醫生講過。佢呢個年紀。每日應該飲 16-24安士奶奶。。
就咁。覺豬前開左支 7 安士奶比佢。試下反應。。
點知。。
隻豬 "咕 loo.. 咕 loo.. 咕 loo…."
唔夠5分鐘。成支飲晒﹗﹗仲要自己渣住飲。一滴都無漏過。。
飲完。伏住我隻腳。自己打左個好大既"嗝"。訓埋~~
實在太傷心喇~~~~我
比媽媽幫你掃下風都好掛??
仲以為佢會飲到天一半地一半。要生要屎。撲落我度。要媽媽奶奶。。
原來呔仔。已經大個仔喇。。
我同weak7講。我好傷心呀。呔仔唔需要媽媽喇~~~
老公唯有安慰我。話呔仔梗係需要媽媽啦。媽媽要幫佢沖奶奶。拎比佢飲嘛~
(咁都算安慰?? )
就係咁。呔仔都唔使轉奶期。開始左佢既奶粉生涯。。
而家佢"起身。tea time。覺豬" 3餐奶。就沖7安士。。
晨早6-7點果餐"矇豬奶"。仍然係埋身餵佢。。
正所謂 "掟煲唔掟蓋"
我梗係無咁易同呔仔斷纜啦~~~
除非佢7點唔嗌醒我啦~~ 哈~~~
一覺訓到9點就好喇~~
今早10點起身。飲緊奶既呔爺
嘆奶中~~
呔仔你呢個pose。同媽媽陀緊你果時一樣。。
順便提下個Born Free鴨咀杯。真係唔錯。咀軟又唔漏。。
BB 6個月左右就可以用。。
我返香港時見過吉之島有得賣。。
仲係咁厚。又彈。岩晒你啦。可以四圍擒~~
忙碌中。。