回到未拍時。。

唔好講話夜欄人靜憶起從前事。會感慨一番。唱返首岩FEEL既歌增慶
而家既我。。
一暗到呔仔訓。已經沾沾自喜。9秒9撻落床~~
"哇﹗爽呀﹗呔仔唔好咁快起身呀~~﹗﹗"

少女既心事。都係留返比 d 少女慢慢嘆啦~~

不過見細B未出世。呔仔亦過左痴身期。而家響我隔離行黎行去
總算有少少時間懷緬下"舊屎"

weak7係我大學讀書時既同學仔… 既朋友
條友唔"生綉"啦。讀唔到書。果時出黎做緊野。可惜做極都係二打六。。
( 做咩無啦啦狂踩個老公  )
一直黑仔纏身既 weak7。直至同符碌精拍拖後。。
唔知行左咩運。竟然好工揾上門。。
然後。。
拍拖兩年後就結婚。生仔。仲買屋買田又買地。。

娶得如此旺夫益子之妻。唔錫我都唔知錫邊個喇﹗﹗

(狂踩老公後。又狂讚自己 )

記得有次BBQ既相。2003年7月。。
果時識左年零啦。大家都各自拍緊拖。唔岩channel噃~

自己 D copy唔見晒喇。好彩仲有朋友 keep住。即時叫佢send過黎

下面兩張。應該係我地未拍拖時。唯一既合照。。

知唔知邊個打邊個??

多謝阿dee勁快既回覆。先得到呢 d 相~~

就係呢條戍利。。

果晚仲去左朋友屋企再燒。燒埋食剩既野~~

至於無啦啦點會一齊。就由我04年返香港做野講起。。
果年甩左拖。暑假返香港諗住做下part-time。睇下個market岩唔岩回流。。
書都未讀完。不過香港做野實在太happy了。。
( 做左成半後。感覺絕對係相反既 -__-" )
唯一懷念既。係同事間既歡樂。。
工作上既苦況。不平既待遇。工資等等。無咩值得懷念。。

返左香港果時。其實已經無同weak7聯絡。。
之前都係好普通既朋友。佢連我走左大半年都唔知既。。
係無啦啦響 friendster 見到。吹左兩句。先知我走左。。
就係咁。大家間唔使 "吹來吹去"
愈吹愈密。愈來愈認真。。
直到05年12月。就吹左我返三藩市喇~~~~

當時覺得就算返黎美國。都無咩損失。自己都仲有兩年。想讀埋大學畢業。。
加上響香港做野。太折磨喇。快d走人。。

就係咁。返到黎。就開始拍拖囉。。
之後既野。你地仲清楚啦~~ 哈~~~~~