422。回港第一天
weak7呀。我都未寫機上情況。你就出卜。係咪玩野先~﹗?
好啦。為左報告大家心愛既呔仔。。
我唔沖涼住。痴痴立立咁寫卜啦~~~
香港真係好鬼濕。又熱。。
不過今日都見大家著外套長褲。你地都幾勁~~
呔仔第一次搭機呀~
比我地想像中好100倍~~~
14個幾鐘機。呔仔夾埋訓左 3-4 個鐘左右啦~~
其餘時間做咩??
就梗係舒服服。安坐呔媽既身上~~
"呔仔。其實你知唔知自己而家幾多磅 -_____-"""
又或者扭老豆抱起身行下企下。就好happy架喇~~~
總括黎講呔仔無喊呀。不過唔肯訓藍囉。要人抱住就最開心~﹗好奸仔~~
上機仲食左兩餐 carrot 米糊。食成6安士一餐
結果就係。廁所中開大﹗﹗﹗
換換下片痾呀。我望住架。好臭 -___-""
落機啦。呔仔即時開心到飛起﹗﹗
四圍望呀~~ 仲要每人望實幾秒~~
梗係啦。未見過多人丫嘛﹗ 十分好奇呀~~
跟住一直無訓。撐到 1 點呀﹗(即係果邊早上10點。成晚無點訓過)
由 1 點訓到 7 點。就起身玩啦~~ 興奮指數爆燈~~﹗﹗
* * *
講返今日。不過未執相~ 哈~~
話說呔媽個頭。由陀呔時留到而家。想剪好耐喇~~
所以今日就一早決定剪頭髮﹗﹗
去尖沙咀。朋友度剪~
一早同爺爺食早餐。返屋企餵完呔。就出發。。
剪完頭髮。行左一陣美麗華~~~
哈哈哈~~~
眾所周知。我地呢個 trip 玩撞人。。
第一個幸運兒。有請~~~~~
Eunice is Me
恭喜你。可以得到與 "訓教呔"合照一張。請上台領獎﹗﹗
各卜友請熱烈鼓掌贈慶﹗﹗﹗
岩岩見到留言。原來仲有人撞到我地。不過行過左~~
至於朋友方面。又撞到兩個。小葵 & 希欣。。
都話香港好細架啦。真係尊登約都無咁準~~
好啦。要訓啦~
呔仔已經開緊台。三缺一都照開?? 等埋我呀~~~~~~
