整銀包。。
諗住就咁寫。。
琴晚。竟然比我響電腦揾到2年前整銀包既相 
其實我整比weak7個銀包唔太難。只要大家拎自己有既銀包款出黎。。
再研究下邊度有車線。邊度要加布 / 底布。。
度住。望住整。應該更易明白~~ 
材料: 褲管2條 (或布一大塊)。較剪。針線。大頭針。衣車(如有)。筆。尺。。
首先。剪左褲管最底。用黎做銀包個base。。
剪褲管有樣好。慳工。因為一早車好左幾邊丫嘛~ 
咁當然最好用直腳褲啦~
之後拎張 銀紙 同 信用卡 出黎。度下d位。點擺。夠唔夠闊~?
要預返車線位。唔好預到咁盡~
(記住係度好晒。剪好晒所有布料。岩位喇﹗最後先車既~﹗)
再剪一塊細少少既布 (如下圖)。放上面。要黎間一格。放銀紙~~
如果你既銀包款唔"啪鈕"。長度同銀包一樣就OK。。
但闊就要預少1吋左右。咁你先睇到自己有幾多張銀紙~~
提示。有骨位就剪骨位。咁會車少好多。除非你鐘意"呸口"~
***我用左另一條褲腳。剪骨位。已經車少2邊線~~
嘗試褶埋。睇下銀包個形~~
用大頭針拮住預位。。
剪一塊細既拼落去。用黎放 信用卡 等~
**細果塊要打橫開幾個口。岩岩緊緊放到卡就OK。太大會跌出黎~~
同埋用用下都會闊左~
剪一塊底布 (薄身布) 。車響後面。用黎"LONG"住 D cards~
闊度同你岩岩剪果塊細有一樣。長度就要度啦~
你試下將底布褶幾褶。用大頭針拮住佢。。
返前面。放張卡入去。可以突到少少出黎既~ 就OK架喇~
試放卡上去。。
後面係咁既~~ 好似一個個袋兜住D 卡~~
岩位後可以車左呢PART先~~
打開係咁樣~~
用"右面"既直線。固定卡片格個位先~
其實大概個款都出左黎~~
再車左行花線。將卡片格底部固定。。
右手面既線。可以唔車。我多手啫~ 哈~~
再將銀包底部所有布。褶一褶 (收入去)車左佢~
鐘意收入去又得。"呸口"又得~
銀包大致上完成。再釘埋鐘啪鈕。攪掂﹗﹗
你可以加多D布。整多幾格都得。呢D 好隨意~~
WEAK7條 CARHARTT。橫豎唔岩著。唔好side丫嘛~~ 
07年既情人節禮物~
幾百蚊既頸鏈。幾蚊盒既SpongeBob糖。我一樣咁鐘意。。
最重要係。果份心意~~ 
2006年第一個情人節。第一次整既銀包。。
果次用左一件Tee整。唔襟。。
改良左用硬身布。好好多啦~~
當呢個銀包用到爛。我又會再整另一個架﹗﹗
weak7呢世都要用我整既銀包~ 
哇哈哈哈~~~~
