2.14.09 情人節三人行 B

正值大減價。呔媽又上左3樓女裝部瘋狂摷衫﹗﹗
癲婆樣唔影喇 (亦無咁既閒情。因為樓上好多女人都癲晒)
半粒鐘後。手拎2條one-piece。一臉滿足~~

落地庫揾返自己個老公同個仔~~ (響邊響邊??)
原來weak7同呔仔影緊相。。
見到呔仔坐sofa。仲食緊手。好得意呀~~

我都幫你地影啦~ 哈哈~~

影影下。weak7提議我抱呔仔影呢個background~
都幾靚~~

影影下。佢又話拎多舊擺設放後面~~
我都唔為意~
原來。weak7早有準備。掛左條鏈響後面呀﹗﹗﹗﹗

呔仔心諗 "等我一陣返屋企抄低條橋。
收埋落D尿片度。留返第時追女仔用先﹗yeah~!"

即刻試戴先得~﹗哈哈哈~~~

呢條心心都係老公送架。唔記得幾時啦~

多謝老公~﹗呵呵~~

開心開心後。又再行街街~
好鐘意呢頂帽呀~ online減緊價20蚊雞~ 再等下先~ 嘻~

行行下聞到臭臭~~﹗﹗
隻衰豬。又出界~~~
一日兩份大禮﹗ 多謝呔仔~~﹗﹗

唯有揾地方換片~
去左GAP既 Fitting Room。大到呢~﹗
都有成100尺~~

成日出界﹗頂佢唔順~ 哈哈~~

雖然好鐘意老公送既鏈。但由於覺得較貴 。同埋個款唔可以成日戴住~
所以再去睇睇另一條我心儀既"蜜蜂仔"頸鏈~~

最後都買埋。有2 weeks refund。返屋企再諗諗邊條好~
老公送。梗想日日戴在身上啦~ 哈哈~~
翁翁翁。我好鐘意呀~

此時呔媽都開心到傻左。。
有老公有仔仔。我是世界上最快樂的人~﹗﹗

晚飯去左食韓國野~
揾埋揚揚表叔出黎。聚下開心下~ 哈~

出左成日街。好累啦一定~~

揚揚好錫我地架﹗乖仔又有禮貌。。

個個話我瘦左。其實呔媽都好有肉地架﹗
太瘦無奶奶比呔仔飲﹗唔掂當﹗﹗
所以唔減得肥架~﹗哈~~

呔仔影完呢幾張相無耐。突然大喊呀~~﹗﹗
喊到好慘。嚇屎呔爸呀~~﹗
因為呔爸的佢上車氹佢。點知愈喊愈勁~~
weak7都差d 喊呀~ 因為未見過呔仔喊到咁既樣。太令人緊張啦~~~
見佢地未入黎。我都上車揾佢地。
可能係肚餓啦。我上車餵完呔仔。又無野噃~~
不過食飯之前先餵完咋噃﹗都唔夠1個鐘~

*                         *                        *
飯後weak7問我。你真係無整野比我架??
我 : 無呀真係。又係你話今年大家唔好送既~ 又話無時間整野~﹗
weak7 : -_______-""
我 : 最多……..喇~ 勁呢~~﹗﹗
(至於係………呢? 下回分解﹗你地咪諗衰野~)