發UP瘋。。

日期: 2009年02月08日下午04:48｜回應: 無回應｜

星期六。weak7今晚要OT。11pm – 7am
佢岩岩出左門口。我暗左呔仔訓。。
(好鬼驚佢又小睡片刻

拿拿拿。咪醒住呀豬潤﹗﹗)
我而家食緊飯。。
趁住呢少少時間。梗要上黎發下up瘋~

本身好想講下d媽媽用品。因為生完以來。都瀨過唔少野。。
應該集合下邊 d牌子好用。但又唔知從何說起~
太多瓣數啦~~﹗﹗等我整理下先講。。
不過總括黎講。我好欣賞 "LANSINOH"呢個牌子。所有野都好好用﹗
至少。佢係唯一一隻唔會漏奶既奶PAD。。
(GERBER, AVENT 果D全部漏 -____-"" )
半夜訓訓下唔會半個身濕晒。天寒地凍。要走去換過晒D凍冰冰既衫﹗﹗
另外佢既電奶泵。泵得好爽。唔痛~ $160物有所值

又講下呔仔近況。。
岩岩回復正常既呔仔。經歷過"猛長期"之後。好明顯pump漲左自己﹗﹗
梗係啦。本身4個鐘一次。無啦啦果幾日個零兩個鐘一次。。
唔嘔奶真係算好彩~~ 話時話都好耐無幫佢掃風

今日出街幾勁。1點出門前餵過佢。返到屋企6點半。仲訓緊。。
望下個鐘。7點。都未嗌肚餓~~?
咪喇。都係幫佢換片。整醒佢。質佢食~~

本書話過左猛長期既BB會有D進展。。
唔知呢D算唔算係~~?
佢而家每朝訓醒。我同佢講早晨。佢都會同我笑。有時會講返 : UnKu~
識得捉住D野擺落口。例如係紫象子個鼻。隻耳等等。。
識得日頭係耍黎起身玩。夜晚係要黎訓覺 (呢個好緊要﹗)
玩爬爬會笑。一玩就笑。好似好鐘意咁~
同埋前日玩時。我頂住佢對腳。佢自己識向前爬﹗好勁﹗﹗
不過爬爬下壓住一邊手。即時向媽媽求救~~

而家每日下午。我都講""呔仔同紫象子""既故事比呔仔聽架~
(一路 fing住紫象子一路講。其實對手好鬼累﹗﹗)
有佢地返學既故事啦。開生日Party啦。上美術堂啦~
每日都有不同既事發生。呔仔既生活真係多姿多釆啦~
而呔仔又好似好知我講咩咁。。
每日都好留心聽故事。又會比反應。。
講到慶起。佢又會擘大口嗌~~
(可能我不自覺高音左。佢明白高音 = 開心﹗)
而家佢一見到紫象子。會超級興奮。手舞足蹈。猛同佢笑 & 講野。。
(佢之前唔 so 紫象子架﹗)