呔仔與我。。
時間都過得好快~
每日我都陪伴住呔仔。睇住佢一日比一日重磅。。
塊面一日比一日多肉。。
由初頭幾晚。半夜三更。容易用臂力將佢由床仔抱黎我度餵奶。。
到而家要成個身轉向床仔 (在我地床隔離)。用腰力抱佢。。
感覺佢大舊左好多啦~﹗﹗
真係好有滿足感呀~~
初頭一個禮拜。無訓過咁滯。因為佢一"呀"。我就會伸個頭去睇下佢~﹗
加上"新C坑"。我直頭有D變態。未夠鐘就期待下一次餵奶既來臨~﹗
所以果幾晚好醒訓。一夠鐘就叫佢食奶。。
結果。出院第三日就發現兩個從未浦頭既黑眼圈。。
到而家佢食奶好有規律。每兩個半至三個鐘就會"呀"幾野。話我知佢肚餓。。
食完又訓。下午就起身。自己灘響床"游背泳" "踩單車"
夜晚。12點幾。3點幾。6點幾餵奶。。
我隔住都有個零兩個鐘訓。正﹗﹗
有時呔仔食飽d。訓足三個鐘。我又分得兩小時熟睡。。
因為而家慣左聽佢"呀"。佢自己"呀"兩野又訓返。所以唔使理佢~ 哈~~
同埋我己經練成 "訓住餵"~~
前兩晚都係餵餵下訓著左。呔仔仲啜緊。。
我對手鬆一鬆。嚇到佢成個彈起~~
而家我識用呔仔個身黎壓住我對手。點訓都抱得好實架喇~﹗
而下午既我。除左係餵奶。換片。又餵奶。。
就係飲飲食食。。
飲大量流質。湯水。燉品。牛奶。豆䊢。果汁。。
同埋"灘抖"~~ 好想訓。又訓唔到~~
"少少Tips"
P.S. 各位就生既卜友。初初埋身餵奶。要用盡果"3分鐘熱度"。
當玩新野。享受過程。轉眼就捱過左架喇~﹗﹗
仲會十分唔捨得BB頭幾日啜奶果種感覺。。
而家呔仔大個左少少 (其實仲好BB) 我覺得佢好似豬肉佬喇~
同埋有卜友問。谷奶果時點。。
我就係一生左佢。就不停比佢啜。果時透明果D初乳最有抗體﹗﹗
同埋要啜埋乳暈。齋啜乳頭會損架~﹗
我初時唔知。啜損左。唔好怕痛。擦返羊脂糕 (Lanolin)。再啜。。
第三。四日就谷奶。好似石頭咁硬。痛到舉唔高手又訓唔到~
(呢個時候最好嗲老公幫你沖涼 )
岩晒﹗橫豎訓唔到。捉呔仔起身食奶﹗﹗
努力餵。個胸就會鬆返架喇~﹗
Keep住2-3個鐘餵一次。谷左兩日奶已經自動調節返。無事喇~~﹗﹗
而家順暢晒。有好日子過~~