睇中醫。。

一向皮膚唔多好既我。上個月D濕疹勁左好多。。
我估係因為天氣突然熱左幾個禮拜。出汗醃住。。
頸。手臂內側。"加拿大"。。
攪到我晚晚訓唔著。。
有兩個禮拜仲晚晚 "R"天光。一到夜晚就痕。天光先訓到覺~~

睇皮膚專科。醫生話可以擦药膏。因為BB當時已經30週。唔會有影響。。
仲話可以食药。不過我都係穩陣D。寧願忍都唔食药啦~~
醫生來來去去都係講果D。生左就自然會退。大肚婆係咁之類~~
睇左 = 無睇
不過話我唔係生響個肚度。所以唔關BB事。係我自己敏感。都放心D~~

唔知做咩。老爺成日叫我睇中醫。本身我就唔多願意。覺得中醫好流 (個人觀點)
果日飲完茶。比老爺屈左過隔離睇中醫。。
都無所謂啦。反正痕左咁耐。都預左忍。咩都試下啦~~

比面老爺  (間藥材舖係佢老友開既~)。睇啦睇啦~

冼醫師幫我把脈。話我係陀仔呀~ 我知我知~~

開左3劑去濕毒既中藥。飲完仲要番渣用黎擦身~~

醫師以前響中國係兒科 & 婦科醫生。。
點解會又兒又婦既呢??

返屋企。老爺就煲藥過我飲~~
其實我幾鐘意飲中藥陣味。甘甘地。好正﹗
我細個好鐘意偷趙甘草。不過媽咪話污糟~~
大個就好鐘意飲花旗參~~

擦身用既中藥。哇~
擦完都係咁痕。仲要成陣味。攪到我要漏夜沖涼。。

飲完藥瀉左幾勻。醫師話正常。排左毒。。
不過唔知關唔關"中醫"事?
定係因為天氣凍返。所以好左呢??

而家D濕疹謝左好多。無咁痕。。
通常一晚都係"R"醒一次。算好好架喇~~
但係D一撻撻既印。就要一年半載先會退啦~ 唉~~

希望濕疹從此遠離我啦~~