7。8。Check-up

好似係第5次去Dr. Huang度Check-up喇~~
其實都係量血壓。磅重。驗下尿。聽BB心跳。。

我愈黎愈""" 圓碌碌""" 啦~~
話時話。我都幾鐘意自己咁樣。好似好得意咁~~
老公話我好可愛啦~~ ( 女人真係易氹 )

排排坐。食燒鵝

未磅之前都諗。今個月肥左好多。個肚又大左好多。唔知重左幾多呢~~??
點知一磅~~ 125呀~~~
上次118。又肥左8磅~~ 加埋已經15磅。好利害呀~~

當然BB亦都長大得好快﹗﹗特別是呢兩個禮拜。開始撐我之後。大得勁快~~
呢排。我每朝起身。條腰好似斷左咁。打側訓都唔好得好多。。

唔知做咩近排好鐘意食麵包 & 蛋糕。。
一定要節制一下﹗﹗
因為下個月見醫生。就要開始驗糖尿。。
千祈唔好超標啊~~

我地諗住個仔一出世就割包皮。今次問埋醫生。。
點知我地都未開口。佢就問我地想唔想。真係心靈相通喇~~

之後。大家就講起順產定開刀既問題。。
原來話而家可以自己選擇。保險都會cover。實在太好啦~~
醫生話其實兩樣都有好有唔好。無絕對。睇我地自己鐘意。。

醫生又打左個比喻 — 入大學 vs 出黎做野
其實兩個選擇都可以係成功之路。無話行邊條路一定係好D~~

不過我就最怕痛足十幾個鐘。先至話要開刀。咁就無辜辜喇~~

各位媽咪卜友。你地又覺得點??

後補 : 我地心目中想開刀。但都想聽下大家既經驗咁啦~~