陀B回顧。。

日期: 2008年05月20日上午06:39｜回應: 無回應｜

踏入第15週。呢兩日個肚子大左好多呀突然。。
我同weak7講。可能BB聽到你成日話佢唔大。佢即刻大返你轉頭﹗﹗

琴晚先誇張。真係大到好似五個月咁。所以即刻影低佢~~
一陣等老公放工返黎執左相。就post比大家見識下。。

"即係話時話。你兩父子/女鬥氣。唔好攪到我丫嘛﹗
阿B時大時細。好難著岩褲架噃﹗﹗"
琴日買既新褲子。又鬆返。今日返學校攞野。仲差D甩褲。。

趁未POST新相。同大家回顧一下我之前幾個月既肚煲先﹗﹗

3。12。08
我地自己估估下。決定去醫生度Check Check~~

等待既心情。又難掩興奮
好少遲咁耐。我估中左獎﹗﹗但又驚食炸糊~~

weak7開始黎料。。

驗完尿。醫生笑笑口入黎。恭喜我地~~
哇哈哈哈~~~ BINGO~~~
我係媽媽啦~~~

知道做爸爸既weak7。。

第二日。BB 5週。開始影低肚子成長過程喇~~
每次食飽返我都話BB大個左。其實係胃氣黎咋。。
BB當時仲細過一節手指尾。。

3。24。08 BB約 7週
第一次婦科Check-up
知道有左BB後。就要約婦產科醫生。開始跟進BB同我自己既情況喇~~
果日做左子宮抹片。拎去化驗。又抽左好多筒血。。
第一次照超聲波。見到有一粒野閃下閃下。。
係我地個BB既心臟黎架﹗﹗ 閃閃下就係跳緊啦~~

4。21。08 BB約 11週
第二次Check-up
醫生講返上次化驗。真係比佢嚇一嚇。好彩一切正常。。
個化驗報告話我子宮頸既細胞 atypical。嚇屎我地咁滯﹗﹗﹗
醫生就話唔使擔心。因為 HPV (Human papillomaviruses) Detected Negative ~~

教育時間 : 相信大家都聽過呢樣野。感染左係會引發子宮頸癌。。
阿Sa叫女仔打"加衛苗"。就係在未有性接觸或未受HPV感染之前。打入抗體﹗
其實咩年齡打都可以。當然如果已有過多個性伴侶。受保護%就無咁高啦~~
最好係少女時期打。好似話9歲以上就打得架喇。。
丫。預備有BB既又唔好打噃。因為要分幾次打。期間唔可以有BB架~

講返我地。。
咁醫生就話。如果有atypical cell。但 HPV Negative。就唔會有事。。
我地就問。點解細胞會atpyical既??
醫生打左一個十分簡單既比喻~~
即係佢覺得呢個女仔好靚。唔代表我覺得呢個女仔靚。我可以覺得佢唔靚。。
同一個道理。化驗既人。覺得我既細胞唔到達佢既標準。所以atypical。。
或者另一個人睇。會係 normal。。
所以只要 Detect唔到有病毒。醫生唔會擔心。亦唔需要再follow-up。。
講完之後。我地都放心D。真係"有驚無險"囉~~

仲有。醫生話我驗血既水銀係6.4。under10都無問題。。
不過weak7格言。唔好食就唔使驚﹗﹗

4。25。08
第一次去SFPA。係一間照聲波既專業診所。。
香港叫 "Oscar"。我地就叫 "Integrated Scre
ening"
即係去照BB頸皮厚度。加兩次驗血。
睇下BB患唐氏症 (Down syndrome)既機會高唔高。。
weak7就成日聽D唔聽D。問完又問 (係問我~) 開始神神化化~

第二次見到BB啦~~~
照緊果時好開心好興奮呀﹗﹗﹗
見佢click click下。度緊頸後透明既皮。。
醫生猛話BB looks great~~ 但又無話點 great 法。。
照4D見到BB好似打Boxing咁。就話佢係Boxing Baby啦~~