見醫生。check-up

自從第一次去醫生度check到有 BB之後。大大話話都見過三﹐四次醫生。。
我好期待每次check-up啦。。
因為可以聽到BB心跳。又或者見到BB~~

今日又去做check-up啦~~~ 哈哈~~~
就快15週。老公緊鬼張。成日話我個肚唔夠大。。
今次係我唔掙氣啦。今日一上磅。又係115呀﹗﹗
4月21到而家無重過~~?? 但係我個肚真係大左噃~~ 點解呢???

"阿B你快D長大啦﹗一陣你老豆又哦哦哦。。
話我唔食野呀﹗我食好多野架喇已經﹗﹗"

點知今日在診所。見到個女人。人地10月30號預產。仲早過我。。
人地一D肚都唔見呀﹗仲著緊緊身牛仔褲﹗
我就已經成個肥師奶咁~~ 咩褲都唔岩著~~~

"老公。你係咪想我肥到200磅先心息????"

由於早三個禮拜。去左照超聲波。照BB頸皮。。
香港叫做照 "OSCAR"。呢邊叫 "Integrated Screening"。。
其實係同一樣野啦~~~
阿weak7哥。我真係好擔心佢。。
點解咁講??
因為原來佢由知道我有左BB果刻開始。就一直擔心到而家。。
擔心呢樣。擔心果樣。。
緊張當然係一件好事啦。我只係有D心痛佢。因為擔心一樣野係好大壓力既~~
我唯有成日開解佢。等佢放鬆D。。。

佢係咪患左產前抑郁症呢下???

今日問醫生上次照頸皮有結果未?
醫生話要等埋第二次驗血結果。加埋先有Result。。
(我講到口都臭。weak7都仲係十分擔心)
醫生話BB頸皮係1.7 mm。係一個好現象。"阿 B 叻﹗﹗"
基本上 under 5 mm佢地(醫生)都唔擔心。。

轉頭。我老公就同我講 : 得1.7。BB會唔會單薄左D呢下???
哈哈哈~~~ 救命呀~~~~~
"養兒100歲。長憂99" 就係呢D喇。。

請大家為佢打氣啦~~~

我就無佢咁好氣喇~~~

大肚Bag我無呃你架﹗做咩唔信人啫~~ 

見完醫生。又係谷肥時間~~~

芝士Bagel + Cream Cheese + 新鮮蕃茄

呢兩日好熱呀﹗﹗ 我 D褲基本上全部都唔岩著喇~~
而家只可以著sweat pants & 裙。。
今日買左幾件替換。著裙個肚好大架﹗﹗