鼻孔出煙???

呢幾日keep住6﹐7點訓。凌晨3點自動醒。。
就算前兩日阿Cat捉我出去。攪到我11點先有得訓。一樣無用。。
好彩今個sem得兩堂。一至四 返兩個鐘又放學。時差都唔驚。。
不過晚晚半夜起身食晚飯。好似有D失常。。
(而家我又食緊叉燒飯喇~~ 哈哈~~~)

今朝早返8點。6點幾起身。凍到個人僵晒。。
香港都有10度。我地得4度咋﹗﹗﹗
鼓氣勇氣。著到成隻糉咁。手持暖包。上學去。。
由於老爺仲未返黎 (過埋年先)。我要自己搭車上學啦~~~
(老爺~~~ 你快D返黎車我啦~~~~~)
返到學校。當我正在品嘗緊"童星點心脆片"。我發現我一路出煙。。
其實出煙係好普通既事。凍到咁上下 你呵一口氣都會出煙。。
之但係我食緊野。合埋個咀。都出煙???
我試左幾次。啊~~~ 原來係鼻哥窿出煙呀~~~~
竟然凍到咁﹗﹗ ﹗﹗ ﹗﹗
我不斷呼氣玩左好耐~~ 哈哈哈~~~ 都幾得意架噃~~~~

話晒都係第一次。咁無聊既野當然要同大家分享啦~~ 哈哈~~~
張相下次補返。實有機會既。。