簡便過大禮~

日期: 2007年12月08日下午05:19｜ 回應: 12 個回應｜

今晚約左媽咪出黎食飯。
主要就係weak7要在娶我過門之前做一個"過大禮"儀式。。
由於我地簡得就簡。所以只預備了餅卡同禮金。。

而weak7就話要寫一張卡比未來外母。
對佢作出承諾要永遠照顧她的女兒。不會要我辛苦之類~~

(半唐不鬼。寫張卡都要查Yahoo字典。。)

媽咪聽到好高興啦~~~
仲同weak7講 : 以後個女就交比你喇。我老了。你要好好照顧佢。。
我都有點感動。自己好似一舊好懶既肥肉咁。。
媽咪縱左我咁耐。終於放手。要交我比另一個人縱了。。
做她女兒。真係十萬分幸福啦~~

由細到大我不用自己搣橙不特止。她餵到咀邊。
不用做任何家務。她一力承擔。
不用給家用。她叫我自己儲起私己來。
在小學畢業前。我還像BB般仰躺在媽咪膝頭上。她一直幫我洗頭啦~~
我以為自己這麼好命。。
但其實。所有幸福都係媽咪錫給我的。。
我這條好命。是媽咪辛辛苦苦將自己貢獻出來換取啦。。
媽咪由細到大都將最好給我同大哥。
她自己沒呻一句。。
到現在我要嫁了。她就希望weak7可代替她照顧我。。
媽咪。我真的有天大福氣啦﹗﹗﹗﹗
我同weak7會好好照顧妳架~~~~~

 

標籤 :
分類 : 講.結婚
還有好多我們家的最新動態在FB專頁上唷！歡迎點Like加入大家庭! »
«
»

作者：呔媽.Kelly

全職媽咪，視"呔細快樂成長"為己任！Brandsss@Facebook名牌手袋店Buyer。秘撈shemom. com客席寫作人。此少婦長期渴睡，幻想一天有48小時~

| Facebook | 個人介紹