反斗城~

哇哈哈~~
又係我。夜媽媽寫卜。。
其實今晚算早喇。11點半。兩隻仔訓左。快手寫~~

今晚我情緒好高漲呀~~~
 因為同朋友傾開做Design既野。又燃點起我心中果一團火。。
隨緣啦~ 10劃都未有1撇。都係吹下水啫。不過講下都開心呀真係~~

Feb-20-2011
除左好天去公園之外。我地發掘多左一個"室內"活動。。
就係去玩具反斗城喇~ 哈哈~~
(可想而知呢邊係幾咁無野比小朋友玩呢﹗-___-"")

呔 : "喂。落得車未呀爸爸?"

又是 Hotaru。呔仔玩緊滕簾。。

細細仔愈來愈重。肥晒響個肚腩度。。
(連呢樣都似埋爸爸﹗﹗﹗)

瘋狂擦臺的人。。

"左擦擦。右擦擦。張臺唔辣撻"

好耐之前響milkkids買既衛衣。終於岩著喇~ 哈~~

同呔仔出街食飯好爽。唔扭落地。因為佢最叻自娛~

爸爸次次都叫便當。我今次食手卷。。

呔仔猛要食我塊大紫菜。。

加洲人又食"加洲卷"。。

有野食就好乖。為食過哥哥~~

發覺好多爸爸同呔仔影既相。佢手上都係有"立"野既~

又出絕招??

使唔使睇到咁肉緊呀仔??

泊好車。去緊反斗城啦~~
你睇細細得戚到。仲要渣住副超。好攪笑呀~~~

有得落地行街。開心到癲左。。
留意呔仔係一路扯緊我入去。。

兩隻野即刻喪搗亂。。

鞋都玩一餐。。

哥哥都尋寶去~~

細細最鐘意玩波。黎到呢度都要攬住一個。又拋又踢。。

哥哥 : "玩到累。抖抖先再玩過~"

呔仔扮BB??

原來喱埋嚇媽咪呀~~~

小販呔叫賣~~

要走喇。隻傻豬仲想玩。所以喊~~
我好鐘意呔仔喊個樣呀。好可愛。同出世個樣一樣架~ 哈~ (變態媽媽)

晚上朋友生日。去左開Party。無帶兩隻野。爽~﹗﹗