呔仔2歲3個月。細細1歲大

呔仔 : 31磅 33吋半
細細 : 23磅 29吋

呔仔今個月講野進步左好多呀。已經識既字。發音愈來愈清晰。。
又講多左好多新字。。
開始講緊句子。會組合人名 + 動作 + 物件。。
例如 : 媽咪 食 生果 。BB 鐘意 玩 Bibu車。 呔仔 唔睇 醫生/ 唔咳/ 唔食藥 
去到超市。就會手指指 "買依個~ 買依個~" 琴日去帶佢買野講左廿幾次

前兩日開始自己唱歌。堅唱。有歌詞。。
第一首佢成隻唱晒既歌係 "小星星"
呢隻亦都係佢由細到大既"訓覺歌"。以前晚晚都係唱呢首暗佢訓。。
  可能因為咁。佢掌握得好好~

開始成日跟電視學新字。近排好多"恭喜發財"之類既野。。
佢就"恭喜"。"健康"。。
有時爸爸講衰野 (e.g. shit /食屎) 佢都跟住講 -__-""
總之成日都口up up啦~ 好攪笑~~

同細佬都相處得好好。無打佢喇。鐘意成個飛僕佢。責住佢~﹗
此時細細就會掙扎。嗌我地救佢~ 哈~~
如果我地無關門。細細行左入房。呔仔就會即刻話比我地知~
哥哥而家成日"益"細細架。有咩都揾細佬擋。。
邊個做衰野 "BB!"。邊個要食藥 "BB食﹗"。邊個乖呀? "呔仔乖﹗"
呔仔錫唔錫BB架? "錫BB~"

之前見過媽媽用花紙包禮物之後。。
而家日日都用張紙巾包禮物(佢D玩具)送比我同爸爸。。
"媽咪。送比你~" "爸爸。送比你~"
今日仲話 "媽咪。BB送比你~" 代細細送禮物呀。好乖呀~~~

食野方面。3杯8安士牛奶。。
都係早餐 + 2餐大兜菜肉爛飯。零食怪。。
基本上全日個口都唔停食緊野。。

戒片方面。懶~ 不過佢而家poop poop左會即刻話我知。。
等天氣回暖。應該可以成功戒片架喇。。

到細細喇。1歲仔。送左份大禮比我呀~﹗﹗

就係~~~~~~ 終於自動波。一覺訓天光喇~﹗﹗﹗yeah~~~~
大約係生日前一個禮拜啦。頭幾晚就清晨醒。食奶訓返。。
我當時都心諗佢可能好快一覺訓架喇。因為果時哥哥都係咁。清晨醒。。
點知過兩日。佢已經一覺。由10點訓到第朝9點先起身。。
keep住幾日都係咁。我就肯定佢開始訓天光啦~~
好正呀﹗﹗1年喇。我等到啦。終於有覺好訓啦﹗哈哈哈~~~~
(無錯。呢件事。我到而家都仲係好興奮。。
如果你1整年。每晚2-3個鐘醒一次就會明我心情係幾激動)
哥哥以前6個月大被"特訓"。兩個星期左右已經可以一覺訓天光喇。。
呢個細細。除左喊得慘過哥哥好多之外。其實係因為細個有濕疹。。
唯一可以安撫到佢既。就係埋身啜好奶奶。佢就可以好舒服咁入睡。。
所以一直無迫佢戒。欠左佢又好。縱佢又好。。
佢鐘意而我能力做到既話。都會做既。。
我相信。到佢ready既時候。始終一日會自動波訓覺。。
無理由2歲仲食夜奶掛?﹗(可能真係有)

講起食奶奶。今個月就慘喇。。
上次好返之後。1月頭出上門牙。又咬損左。。
因為之前好返既位置d皮好薄。。
其實佢唔係特登咬。而係每次啜都刮損。。
決心幫佢戒人奶。但佢好抗拒。。
攪左成個月。泵奶又試過。奶樽/鴨咀杯都試過。唔制。。
反而啜飲管杯(平時用開飲水)都仲會啜兩啖。。
之前知道我用左管杯裝奶。仲連水都唔飲添﹗
諗住餓下佢。口渴會飲啦。佢又硬頸。滴水不沾。。
兩日夾埋飲得幾安士奶。。
細細幾日痾少左尿。仲第一次痾粒粒屎。幾心痛。。
為左佢健康著想。又夾硬忍住痛比佢啜。滿清十大酷刑
而家仲作戰緊。日頭盡量試比佢飲奶粉。。
夜晚訓前/一早起身先比佢啜~
希望轉轉下。佢會戒到人奶啦~
實在太痛喇。真係痛到無奶。。
心情會影響奶量。我既身體都話唔好再餵喇~

可能食少左奶既關係。細細3餐食量多左好多。。
一早起身食大兜米糊。訓一覺。起身又食大兜菜肉爛飯。。
有時份量仲多過哥哥。滿兜。然後晚上又一大兜。。
今個月試過比牛肉同蛋黃佢食。都無引發濕疹。無敏感~
好野~~~ 我又可以食牛肉~﹗﹗

雖然細細食得多。但又唔係好長肉。。
個個見到細細都話佢瘦。。
其實我自己都覺得。但睇返呔仔一歲時。同樣都係23磅 29吋。。
丫。點解呔仔肥咁多呢~?﹗
可能細細似爸爸。香雞型。呔仔就似我。豬兜型
不過只要身體健康。肥d瘦d都無所謂啦~~

講下細細既行為喇。。
而家哥哥做咩佢就會響隔離即刻學。。
打野拍野啦。講野有時會跟哥哥口水尾。。
好有手尾呀。同哥哥剛剛相反。。
呔仔搗亂。細細就跟住哥哥尾幫佢執野。。
"收拾"係細細日常活動之一。哈~ 乖乖乖~﹗﹗
細細又好鐘意擺野。擺波波。擺車車。咩都擺晒落去個桶 (亦係執拾之一)
頭先比個袋仔佢玩。入面有唇。眼影果d。。
佢就逐樣逐樣攞出黎 (仲要蘭花手)。睇完又逐樣擺返晒入去。。
最後個袋係裝滿晒野。真係好好手尾架~﹗﹗
(我真係當佢囡咁湊。太可愛了~~)
仲係咁鐘意踢波。除左踢。仲鐘意彈。大大力掉落地。卡卡聲笑。。
又走去執起又掉。又笑。。
細細奸到出汁架。除左跟足我地做既野之外。又鐘意專登做d我地唔比既野。。
專登望住我地。知道我地係望住佢喇。佢就奸笑。出手攪亂檔~﹗
仲有。最鐘意就係做 "炸兩"~﹗﹗
留意到佢。每次爸爸教緊哥哥。佢就會響後面 bi li ba la~~
好似幫哥哥拖。做"炸兩"咁話~﹗﹗(真係次次都會)

又鐘意扭人抱。如果唔得逞。就會大力放"pair"自己向後撞落地。。
哼﹗好在屋企舖晒地毯。呢招唔work架喇。。
見我地唔so佢。佢就撼頭埋牆~﹗
此時我多數唔望佢。由佢撼。奸仔唔得逞。又笑住行開。。
邊有細路咁奸詐架~?﹗

Feb-3-2011
大年初一。我地第一次影貼紙相。。
日文機。我同weak7都唔識用。太耐無影過喇。。
影完之後。本身有得6選4。唔要d影得差既。。
阿7生就快手手。按左OK。6張要晒。。
我又傻傻地。到最尾選2張做大相。鐘意果2張又唔選。唔知發緊咩夢
不過睇返。其實張張差唔多。哈~~~

Feb-5-2011
呔仔早起。爸爸湊左佢落M記食早餐。我同細細可以訓多陣~正~﹗﹗

下午去街街。。
細細第一次向前坐呀~﹗﹗
因為法例未滿1歲 & 20磅。car seat係要向後既。。
細細合資格。以後坐車可以望多d 野喇~~~

Feb-9-2011
出緊好多牙呀~ 見唔見上面4隻都出緊喇~~

哥哥真係好鬼天真。見到佢就開心~~

Feb-10-2011

今日下午。細細訓緊。呔仔走過黎話 "媽咪。BB~﹗﹗"
(咁講即係叫我去睇下bb)
噢~~原來比哥哥大整蠱。pat pat cream擦面。。

同哥哥一樣。一笑就變福頭。。

攪完細細。轉個頭。自己就灘左響地下訓。。
上一秒仲叫我幫佢"勾bu bu"

細細扭計樣。。
好衰呀。而家一喊。最尾個音就拖長尖叫。勁刺耳

媽媽一抱。就收聲。。

呢個細細真係…好鬼嗲。。

呔仔準備覺覺豬喇~ 早抖喇~~~