3個何生。病左

點知細細生日(上星期三)。呔仔又開始作病。可能之前未清。。
隨即爸爸都瀨野了。。(其實都唔知邊個先﹗)
星期四細細要打針。爸爸亦去睇醫生。醫生話爸爸"氣管炎"。。
果晚呔仔就發燒喇。。
食左退燒藥又退左。但隔一陣又燒過。。
爸爸自身難保。請左幾日假大抖。。

終於星期五。連細細都中招了。。(都頂左好耐架喇。勁﹗)
半夜同哥哥一齊發燒。。
無辦法。同一間屋。我一個湊兩個。好難隔開佢地。。
(呢個時候。真係只有靠自己既抵抗力喇)

呔仔都反覆燒左3日。103度左右。。
細細都係退完又燒。。
擔心佢地係流感。琴晚入左醫院睇急症。順便化驗下係咩菌。。

好彩~ 只係普通傷風菌。小兒上呼吸道感染。無咩大礙。。
今日都仲有d燒。醫生話除左退燒藥。咳同流鼻都無藥可治。。
7-10日會自己好。都放心好多~~

我就托賴。比4個病人圍住都仲頂得住。我覺得係因為我係人奶B~
(多謝阿媽)
所以我咁支持餵人奶。希望佢兩個第時D抵抗力會好啦~﹗﹗