我係符碌精。。

日期: 2008年04月17日上午06:22｜ 回應: 14 個回應｜

用符碌黎形容我以往既際遇。真係好鬼貼切。。
其實可以用"幸運" "好彩"呢種字眼。不過似乎符碌比較合乎我既性格~~

其實都唔可以話幸運。因為好多時都係在危機既時候。。
我先會符碌地大步攬過﹗﹗

不過我由18歲開始。每年生日願望。都係 : "我想好好彩。好好運~~"
其實呢個願望包左好多野。當然係我身邊既人啦。。
如果我係一個好彩既人。我身邊既人都會好好彩。。
如果唔係。我就要幫佢地。擔心佢地。咁我咪唔好彩囉~~ 

講番琴日。我最驚既Presentation終於來臨~~ 
一早起身在大廳。自己大聲扮有觀眾。練習一番。。
扮睇唔到咁多同學。唔驚唔驚。。
講得都算幾暢順啦。返學去~~

點個返到去。Missy已經等緊。原來佢sent左email話今日2點半要走。。
呢堂2點2個字開始。即係得20分鐘。。
原本今日有8個人Present。變左得4個人。。
大家滾水淥腳。我係第二個。已經快到連心跳都趕唔切。。
好戲在後頭。原來今日係Fashion Show Model既Casting Day。。
大半班同學。走晒佬~~ 無黎上堂~~
呢個情況同平時上堂完全兩回事。好似開Party多D。。
因為咁。我就在極速。毫無壓力。毫無心跳加速既情況底下。。
順利完成左我驚左成個學期既 Imports Presentation啦~~
真係符碌到。我自己都忍唔住笑~~

既然早左成個鐘放學。就同同學去mall行左一陣。等老公接。。
在H&M。竟然見到之前無我個碼既綠色點點布鞋~ 買﹗
仲試左另一對涼鞋。心情愉快。都買啦﹗﹗
要獎勵自己丫嘛~~
其實好平我先買架咋。我不嬲都唔係買貴野既人~~

兩對夾埋先至24蚊~ 好抵啦~~ 

標籤 :
分類 : 講.遊玩笑
還有好多我們家的最新動態在FB專頁上唷！歡迎點Like加入大家庭! »
«
»

作者：呔媽.Kelly

全職媽咪，視"呔細快樂成長"為己任！Brandsss@Facebook名牌手袋店Buyer。秘撈shemom. com客席寫作人。此少婦長期渴睡，幻想一天有48小時~

| Facebook | 個人介紹